ବଲାଙ୍ଗୀର: ପ୍ରଥମ ରାଜ୍ୟସ୍ତରୀୟ ମାଷ୍ଟର ସୁଇମିଂ ଚମ୍ପିଆନସିପ ଉଦଯାପିତ ହୋଇଛି । ବଲାଙ୍ଗୀରରେ ପ୍ରଥମ ରାଜ୍ୟସ୍ତରୀୟ ଓ ଅନ୍ତରାଜ୍ୟ କ୍ଳବ ସୁଇମିଂ ଚମ୍ପିଆନସିପ 2019 ଅନୁଷ୍ଠିତ ହୋଇଥିଲା । ସ୍ଥାନୀୟ ରାଜେନ୍ଦ୍ର ନାରାୟଣ ସ୍ପୋର୍ଟସ କମ୍ପ୍ଲେକ୍ସରେ ଏହି ପ୍ରତିଯୋଗିତା ଆୟୋଜନ କରାଯାଇଥିଲା ।
ଏହି ଟୁର୍ଣ୍ଣାମେଣ୍ଟରେ ରାଜ୍ୟର ବିଭିନ୍ନ ଜିଲ୍ଲାର ପ୍ରତିଯୋଗୀମାନେ ଭାଗ ନେଇଥିଲେ । ମୋଟ 145 ରନ ପ୍ରତିଯୋଗୀଙ୍କ ମଧ୍ୟରୁ 35 ରନ ମହିଳା ପ୍ରତିଯୋଗୀ ରହିଥିଲେ । ତେବେ ଏହି ପ୍ରତିଯୋଗିତାରେ ସମ୍ବଲପୁର ଜିଲ୍ଲାର ପ୍ରତିଯୋଗୀମାନେ ପ୍ରଥମ ସ୍ଥାନ ଅଧିକାର କରି ବିଜୟୀ ହୋଇଛନ୍ତି । ଆୟୋଜକ ବଲାଙ୍ଗୀର ଜିଲ୍ଲାର ପ୍ରତିଯୋଗୀ ରନରସର୍ପ ହୋଇଛନ୍ତି ।
ଆସନ୍ତା ଅକ୍ଟୋବର 18,19, 20 3ଦିନ ଧରି ଜାତୀୟ ସୁଇମିଂ ଚମ୍ପିଆନସିପ ଅନୁଷ୍ଠିତ ହେବ । ଉତ୍ତର ପ୍ରଦେଶର ଲକ୍ଷ୍ନୌଠାରେ ଏହି ଜାତୀୟ ପ୍ରତିଯୋଗିତାର ଆୟୋଜିତ ହେବ ବୋଲି ସୂଚନା ରହିଛି । ତେବେ ଓଡିଶାର ପ୍ରତିଭା ମାନଙ୍କୁ ଜାତୀୟ ପ୍ରତିଯୋଗିତାରେ ସ୍ଥାନ ମିଳିବା ନେଇ ଏହି ଟୁର୍ଣାମେଣ୍ଟ ସହାୟକ ହେବ ।
ଏହି ପ୍ରକାର ଟୁର୍ଣ୍ଣାମେଣ୍ଟ ଆୟୋଜିତ କରାଗଲେ, ସୁଇମିଂ ପ୍ରତି ଆଗ୍ରହୀ ପ୍ରତିଭା ଅଧିକ ଉତ୍ସାହିତ ହେବେ । ଭଲ ପ୍ରଦର୍ଶନ କରୁଥିବା ପ୍ରତିଯୋଗୀଙ୍କୁ ରାଜ୍ୟ ତରଫରୁ ପ୍ରତିନିଧିତ୍ବ କରିବାର ସୁଯୋଗ ମିଳିପାରିବ । ଏହା କହିଛନ୍ତି ରାଜ୍ୟ ସୁଇମିଂ ଆସୋସିଏସନ ସାଧାରଣ ସମ୍ପାଦକ ଦିଲାବର ହୁସେନ । ଏହି ପ୍ରକାର ଟୁର୍ଣ୍ଣାମେଣ୍ଟ ଆୟୋଜନ କରି ସୁଇମିଂରେ ଓଡିଶାର ପ୍ରତିଭାକୁ ଚିହ୍ନଟ କରିବାକୁ ଲକ୍ଷ୍ୟ ରଖାଯାଇଛି ।
ବଲାଙ୍ଗୀରରୁ ଏସକେ ମହମ୍ମଦ ୱାହିଦ, ଇଟିଭି ଭାରତ
