ବଲାଙ୍ଗିର: ବଲାଙ୍ଗିରରେ ଜଣେ କାର୍ଯ୍ୟରତ ସାମ୍ବାଦିକଙ୍କୁ ପୋଲିସର ଦୁର୍ବ୍ୟବହାର । ଏକ ଦୈନିକ ଖବରକାଗଜର ଜିଲ୍ଲା ପ୍ରତିନିଧି ବିଶ୍ୱଜିତ ଦାସ ଆଜି ଖବର ସଂଗ୍ରହ କରିବା ପାଇଁ ବଲାଙ୍ଗିର ସଦର ଥାନାକୁ ଯାଇଥିଲେ । ତେବେ ସେଠି ସେ ଖବର ସଂଗ୍ରହ ସାଙ୍ଗକୁ ଫଟୋ ଉତ୍ତୋଳନ କରୁଥିବା ବେଳେ ଜଣେ ପୋଲିସ ଏସଆଇ ତାଙ୍କୁ ଗାଳିଗୁଲଜ କରିବା ସହ ଆକ୍ରମଣ କରିଥିଲେ ।
କାର୍ଯ୍ୟରତ ସାମ୍ବାଦିକଙ୍କୁ ପୋଲିସର ଆକ୍ରମଣ ଅଭିଯୋଗ
ଏହି ଘଟଣା ଜଣାପଡ଼ିବା ପରେ ବଲାଙ୍ଗିର ଜିଲ୍ଲା ସାମ୍ବାଦିକ ସଂଘର ସଦସ୍ୟ ତଥା ସବୁ ସାମ୍ବାଦିକ ସଦର ଥାନା ଘେରାଉ କରିଥିଲେ । ଖବରପାଇ ଘଟଣାସ୍ଥଳରେ ବଲାଙ୍ଗିର ଏସପି ନିତିନ କୁସଲକର ପହଁଞ୍ଚି ସାମ୍ବାଦିକଙ୍କ ସହ ଆଲୋଚନା କରିବା ସହ ପୋଲିସ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାର ପ୍ରତିଶୃତି ଦେଇଥିଲେ ।
ଏହାପରେ ସାମ୍ବାଦିକ ମାନେ ଏହି ଆନ୍ଦୋଳନରୁ ଓହରିଥିଲେ। ସେପଟେ କାର୍ଯ୍ୟରତ ସାମ୍ବାଦିକଙ୍କୁ ପୋଲିସ ଅଧିକାରୀଙ୍କ ଏଭଳି ଆଚରଣ ଓ ଆକ୍ରମଣକୁ ନିନ୍ଦା କରାଯାଇଛି।
ଇଟିଭି ଭାରତ, ବଲାଙ୍ଗିର
