ବଲାଙ୍ଗୀର : ବଲାଙ୍ଗୀରରେ ଆଜି ହୁତୁହୁତୁ ହୋଇ ଦୁଇଟି କାର ସମ୍ପୂର୍ଣ୍ଣ ଜଳି ଯାଇଛି । ବଲାଙ୍ଗୀର ମାଧ୍ୟାପାଲି ଠାରେ ଥିବା ମାରୁତି ଶୋରୁମର ଗ୍ୟାରେଜରେ ଆଜି ଅଗ୍ନିକାଣ୍ଡ ଘଟିଥିଲା । ଯେଉଁଥିରେ ସେଠି ରଖାଯାଇଥିବା ଦୁଇଟି କାର ସମ୍ପୂର୍ଣ୍ଣ ଜଳିଯାଇଛି ।
ମାରୁତି ଶୋରୁମର ଗ୍ୟାରେଜରେ ଅଗ୍ନିକାଣ୍ଡ, ସମ୍ପୂର୍ଣ୍ଣ ଜଳିଲା କାର
ତେବେ ଦୁଇଟି କାର ହୁତୁହୁତୁ ହୋଇ ଜଳୁଥିବା ବେଳେ ବଲାଙ୍ଗୀର ଅଗ୍ନିଶମ ବିଭାଗକୁ ଏହାର ସୂଚନା ଦିଆ ଯାଇଥିଲା । ପରେ ଅଗ୍ନିଶମ ବିଭାଗ ଆସି ନିଆଁକୁ ଆୟତ୍ତ କରିଥିବା ବେଳେ କାର ଦୁଇଟି ସମ୍ପୂର୍ଣ୍ଣ ଜଳି ଯାଇଥିଲା । ତେବେ ଏହି ଅଗ୍ନିକାଣ୍ଡରେ କେତେ କ୍ଷୟକ୍ଷତି ହୋଇଛି ତାହା ଜଣା ପଡି ନଥିବା ବେଳେ ଅଗ୍ନିକାଣ୍ଡର କାରଣ ମଧ୍ୟ ସ୍ପଷ୍ଟ ହୋଇପାରି ନାହିଁ ।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
