ଅନୁଗୋଳ: ଜିଲ୍ଲା ଜଳସେଚନ ବ୍ୟବସ୍ଥାର ସ୍ଥିତି ସମୀକ୍ଷା କରିଛନ୍ତି ରାଜ୍ୟ ଜଳସମ୍ପଦ ମନ୍ତ୍ରୀ ରଘୁନନ୍ଦନ ଦାସ । ଦିନିକିଆ ଅନୁଗୋଳ ଗସ୍ତରେ ଆସି ସେ ଜିଲ୍ଲାରେ ଥିବା ଜଳସେଚନର ଭିତ୍ତିଭୂମିର ସ୍ଥିତି ପରଖିଛନ୍ତି । ଏଥିସହ ସର୍କିଟହାଉସରେ ବିଭାଗୀୟ ଅଧିକାରୀ ଜିଲ୍ଲାପାଳଙ୍କୁ ଡାକି ସମୀକ୍ଷା ମଧ୍ୟ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଆହୁରି ମଧ୍ୟ ମନ୍ତ୍ରୀ କହିଛନ୍ତି ଯେ, ଆବଶ୍ୟକ ପଡିଲେ ଅନୁଗୋଳ ବ୍ଲକରେ ହେବାକୁ ଥିବା ହିଡିସିଂହ ମାଧ୍ୟମ ଜଳସେଚନ ପ୍ରକଳ୍ପ ପାଇଁ ଲୋକଙ୍କୁ ଅନ୍ୟତ୍ର ସ୍ଥାନାନ୍ତରଣ ମଧ୍ୟ କରାଯିବ । ଏଥିପାଇଁ ଲୋକେ ରାଜିଥିବା ବେଳେ ସରକାର ମଧ୍ୟ ଏଥିପ୍ରତି ଦୃଷ୍ଟି ଦେବେ ।
ତେବେ ସମୀକ୍ଷା ବୈଠକରେ ଢେଙ୍କାନାଳ ସାଂସଦ ମହେଶ ସାହୁ, ଆଠମଲ୍ଲିକ ବିଧାୟକ ରମେଶ ସାଏ ଓ ରାଜ୍ୟ ରୁରାଲ ହାଉସିଂ ବୋର୍ଡର ଅଧ୍ୟକ୍ଷ ମୀନକେତନ ଅମାତ ଯୋଗ ଦେଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
