ଅନୁଗୋଳ: ଜିଲ୍ଲାରେ କାଳବୈଶାଖୀର ତାଣ୍ଡବ । ପ୍ରବଳ ବର୍ଷା ପବନ ଓ କୁଆ ପଥର ମାଡରେ ଜିଲ୍ଲାରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡ଼ିଛି । ବର୍ଷା ପବନରେ ବିଦ୍ୟୁତ ସରବରାହ ମଧ୍ୟ ବନ୍ଦ ରହିଛି । ଜିଲ୍ଲାର ତାଳଚେର,କଣିହାଁ ଛେଣ୍ଡିପଦା,ନାଲକୋ ଆଦି ଅଞ୍ଚଳରେ ପ୍ରବଳ ବେଗରେ ପବନ ବହିବା ଫଳରେ ବଡ ବଡ ଗଛ ସବୁ ଭାଙ୍ଗି ରାସ୍ତାଘାଟରେ ପଡିରହିଛି । ଅନ୍ୟପଟେ NTPC ମାର୍କେଟ ନିକଟ Axis ବ୍ୟାଙ୍କ ନିକଟରେ ସୋଲାର ଲାଇଟ ଭାଙ୍ଗିଯାଇ ରାସ୍ତା ଉପରେ ପଡିବାରୁ ଦୀର୍ଘ ସମୟ ଧରି ଗାଡି ଚଳାଚଳ ବନ୍ଦ ରହିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଖବର ଅନୁଯାୟୀ, ମଧ୍ୟାହ୍ନ ସମୟରେ ହଠାତ ଧୂଳି ଝଡ ସହ ବର୍ଷା ମାଡି ଆସିଥିଲା । ପ୍ରଭାବରେ ଜିଲ୍ଲାର କିଛି ସ୍ଥାନରେ ଥିବା ଛୋଟ ଛୋଟ ଝୁମ୍ପୁଡି ଘର ସବୁ ଉଡେଇ ନେଇଥିଲା । ତେବେ କାଳବୈଶାଖୀ ପ୍ରଭାବରେ ବର୍ଷା ହେବାରୁ ତାତିରୁ ସାମାନ୍ୟ ଆଶ୍ବସ୍ତି ମିଳିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
