ଅନୁଗୋଳ: ପୁଣି ହାତୀ ଆତଙ୍କ । ଅନୁଗୋଳରେ ଥମୁନି ହାତୀ ଆତଙ୍କ । ଆଜି ପୁଣି ଜିଲ୍ଲାର ବନ୍ତଳା ରେଞ୍ଜ କରତପଟା ଗାଁରେ ହାତୀ ଆକ୍ରମଣରେ ତିନିଜଣ ଆହତ ହୋଇଥିବା ଜଣାପଡିଛି । ସେମାନଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଘର ମଧ୍ୟ ଭାଙ୍ଗି ଦେଇଥିବା ଜଣାପଡ଼ିଛି ।
ଭିଡିଓ ସୌଜନ୍ୟ:ସମ୍ବାଦଦାତା, ଅନୁଗୋଳ
ସୂଚନା ଅନୁସାରେ, ଜଙ୍ଗଲ ପାଖକୁ ଲାଗିଥିବା ପ୍ରସନ୍ନ ସାହୁଙ୍କ ଘରକୁ ହାତୀ ଭାଙ୍ଗିବା ସହ ତାଙ୍କ ପରିବାରର ତିନିଜଣଙ୍କୁ ଆକ୍ରମଣ କରିଥିଲା । ଯେଉଁଥିରେ ପ୍ରସନ୍ନଙ୍କ ସମେତ ସ୍ତ୍ରୀ କିରଣ ଓ ଝିଅ ଯଶୋଦା ମଧ୍ୟ ଆହତ ହୋଇଛନ୍ତି । ଖବରପାଇ ବନ ବିଭାଗ ଅଧିକାରୀ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି । ଆହତଙ୍କ ସ୍ବାସ୍ଥ୍ୟବସ୍ଥା ଭଲ ଥିବା ସୂଚନା ମିଳିଛି । ତେବେ ବାରମ୍ବାର ହାତୀପଲ ଜନବସତି ମୁହାଁ ହେବା ଘଟଣା ବନ ବିଭାଗ ଉପରେ କାର୍ଯ୍ୟ ଦକ୍ଷତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
