ଅନୁଗୋଳ: ତାଳଚେର ବିଧାନସଭା ନିର୍ବାଚନ ମଣ୍ଡଳୀର ଜନ୍ଦାବାହାଳ ଗାଁ ବୁଥ ନଂ 85ରେ ଆଜି ପୁନଃ ଭୋଟ ଗ୍ରହଣ ହେଉଛି । ପୂର୍ବରୁ ଇଭିଏମରେ ତ୍ରୁଟି ଯୋଗୁଁ ଏହି ବୁଥରେ ଭୋଟ ଗ୍ରହଣ ଅଧାରୁ ବନ୍ଦ ହୋଇଥିଲା । ନିର୍ବାଚନ କମିଶନଙ୍କ ନିର୍ଦ୍ଦେଶ କ୍ରମେ ଆଜି ଏଠାରେ ପୁଣି ଥରେ ଭୋଟ ଗ୍ରହଣ କରାଯାଉଛି।
ଜନ୍ଦାବାହାଳ ପ୍ରାଥମିକ ବିଦ୍ୟାଳୟରେ ସକାଳ 7ଟାରୁ ଭୋଟ ଗ୍ରହଣ ଆରମ୍ଭ ହୋଇଛି । ଭୋଟ ଦେବାକୁ ଲୋକେ ଲମ୍ବା ଲାଇନ ଲଗାଇଥିବା ଦେଖିବାକୁ ମିଳିଛି । ପ୍ରବଳ ଖରା ଓ ଗରମ ସତ୍ତ୍ବେ ଭୋଟ ଦେବାକୁ ଲୋକଙ୍କ ମନରେ ପ୍ରବଳ ଆଗ୍ରହ ପରିଲକ୍ଷିତ ହୋଇଛି । ପ୍ରଶାସନ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ପୋଲିସ ଓ ଅର୍ଦ୍ଧ ସାମରିକ ବାହିନୀ ଭୋଟଦାନ କେନ୍ଦ୍ରକୁ ଜଗି ରହିଛନ୍ତି । ତେବେ ଶାନ୍ତି ଶୃଙ୍ଖଳାର ସହ ଭୋଟ ଗ୍ରହଣ ଚାଲିଥିବା ଦେଖାଯାଇଛି ।
ବୁଥ ନଂ 85ରେ ମୋଟ 762 ଜଣ ଭୋଟର ରହିଛନ୍ତି । ସେମାନଙ୍କ ମଧ୍ୟରୁ 350 ଜଣ ମହିଳା ଭୋଟର ହୋଇଥିବାବେଳେ ପୁରୁଷ ଭୋଟରଙ୍କ ସଂଖ୍ୟା 411 ରହିଛି ।
ଅନୁଗୋଳରୁ ସଂଗ୍ରାମରଞ୍ଜନ ନାଥ, ଇଟିଭି ଭାରତ
