ଅନୁଗୋଳ: ଭଡା ଘରେ ଦେହ ବେପାର ଅଭିଯୋଗ, ଚଢ଼ାଉ କଲା ପୋଲିସ । ଦୁଇ ଯୁବକଙ୍କ ସହ ଯୁବତୀ ଉଦ୍ଧାର। ଅନୁଗୋଳ ପୋଲିସ ଚଢ଼ାଉ ପରେ ପଦାକୁ ଆସିଲା ଘଟଣା ।
ଅନୁଗୋଳ ଟାଉନ ଥାନା ତୁରଙ୍ଗ ଗାଁ ପାଖ ଇନ୍ଦ୍ରହରିନଗର ପୋଖରୀ ନିକଟରେ ଥିବା ଏକ ଭଡ଼ା ଘରେ ଦେହ ବ୍ୟବସାୟ ଚାଲିଥିବା ସନ୍ଦେହରେ ପୋଲିସ ଚଢାଉ କରିଥିଲା । ଏଠାରେ ଦୀର୍ଘ ଦିନ ହେବ ଅନୈତିକ କାରବାର ଚାଲିଥିବା ନେଇ ପୋଲିସର ନଜର ରହିଥିବାବେଳେ ଅତର୍କିତ ଭାବେ ଚଢ଼ାଉ କରି ଘଟଣାରୁ ପରଦା ହଟାଇଛି । ଚଢାଉ ସମୟରେ ଘଟଣାସ୍ଥଳରୁ ପୋଲିସ ୨ ଜଣ ଗ୍ରାହକଙ୍କୁ ଧରି ପଚରାଉଚରା ପାଇଁ ଅଟକ ରଖିଛି । ଏନେଇ ପୋଲିସ ପକ୍ଷରୁ କୌଣସି ସୂଚନା ଦେଇ ନଥିବାବେଳେ ସ୍ଥାନୀୟ ଲୋକଙ୍କ କହିବା ମୁତାବକ ଭଡ଼ାଘରେ ଅତର୍କିତ ଭାବେ ପୋଲିସ ଚଢାଉ କରିଥିବାବେଳେ ଏହା ପୂର୍ବରୁ ସ୍ଥାନୀୟ ଲୋକମାନେ ୨ ଜଣ ସନ୍ଦିଗ୍ଧ ଯୁବକଙ୍କୁ କାବୁ କରିଥିଲେ ।
ଉଭୟ ଯୁବକ ପୋଲିସ ସମ୍ମୁଖରେ ଘଟଣା ସଂପର୍କରେ ସ୍ବୀକାର କରିବା ସହ ଗ୍ରାହକ ଯୋଗାଡ଼ କରୁଥିବା ଦଲାଲର ସୂଚନା ମଧ୍ୟ ଦେଇଥିଲେ। ଘଟଣାରେ ପୋଲିସ ଦୁଇଜଣ ଯୁବତୀଙ୍କୁ ମଧ୍ୟ ଅଟକ ରଖିଥିବା ଜଣାପଡ଼ିଛି । ସେପଟେ ଏହି ଘଟଣା ନେଇ ପୋଲିସ ମୁହଁ ଖୋଲିନାହିଁ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
