ଅନୁଗୋଳ: ଜାତୀୟ ରାଜପଥ ନିର୍ମାଣ ପାଇଁ ପ୍ରଶାସନର ପ୍ରତିଶ୍ରୁତି ପରେ ହଟିଲା ଅନଶନ । ଆସନ୍ତା ସାତ ଦିନ ମଧ୍ୟରେ ରାଜପଥର ନିର୍ମାଣ କାମ ଆରମ୍ଭ ହେବ । ଏହାଛଡା ବାକି ଯେଉଁ ସବୁ ଦାବି ରହିଛି ସେନେଇ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି ବୁଧବାର ଜିଲ୍ଲା ପ୍ରଶାସନ ପ୍ରତିଶ୍ରୁତି ଦେଇଥିବା ଜଣାପଡିଛି ।
ଜାତୀୟ ରାଜପଥ ନିର୍ମାଣ ପାଇଁ ପ୍ରଶାସନର ପ୍ରତିଶ୍ରୁତି ପରେ ହଟିଲା ଅନଶନ
55ନଂ ଜାତୀୟ ରାଜପଥ ନିର୍ମାଣ ଦାବିରେ ଅନୁଗୋଳ ଜିଲ୍ଲା ନଗର କଂଗ୍ରେସ ପକ୍ଷରୁ ଅନଶନ ଚାଲିଥିଲା । ରାଜପଥ ନିର୍ମାଣ ପାଇଁ ପ୍ରତିଶ୍ରୁତି ପରେ ଆଜି ତାହା ଶେଷ ହୋଇଛି । ଅନୁଗୋଳ ଜିଲ୍ଲାପାଳଙ୍କ ନିର୍ଦ୍ଦେଶ ଅନୁସାରେ ଉପଜିଲ୍ଲାପାଳ ବସୁଦେବ ଶତପଥି ଘଟଣାସ୍ଥଳକୁ ଆସି ଅନଶନକାରୀଙ୍କ ସହ ଆଲୋଚନା କରିଥିଲେ ଏବଂ ସାତଦିନ ମଧ୍ୟରେ ରାଜପଥ ନିର୍ମାଣ କାମ ଆରମ୍ଭ କରିବାକୁ ପ୍ରତିଶ୍ରୁତି ଦେଇଛନ୍ତି । ଗତକାଲି ଠାରୁ ନଗର କଂଗ୍ରେସ ସଭାପତି ସୁଦୀପ ମିଶ୍ରଙ୍କ ନେତୃତ୍ବରେ ବାପୁଜି ପ୍ରଧାନ, ରଶ୍ମିରଞ୍ଜନ ସାହୁ ଓ ଫାରୁକ ଅହମଦ ଅନଶନରେ ବସିଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
