ଅନୁଗୋଳ: ଅନୁଗୋଳ ଜିଲ୍ଲା ତାଳଚେରର ଅଧିଷ୍ଠାତ୍ରୀ ଦେବୀ ମା’ ହିଙ୍ଗୁଳାଙ୍କ ଜନ୍ତାଳ ପୂଜା ସମ୍ପନ୍ନ ହୋଇଛି। ବାର୍ଷିକ ଯାତ୍ରା ଉତ୍ସବର ୯ ଦିନ ପୂର୍ବରୁ ଅନୁଷ୍ଠିତ ଏହି ଜନ୍ତାଳ ପୂଜା ଏଠାରେ ବେଶ ପ୍ରସିଦ୍ଧ। ତେବେ ଏହି ପୂଜା ବୁଧବାର ଯଥା ରୀତିନୀତିରେ ସମ୍ପନ୍ନ ହୋଇଛି।
ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନା ଅନୁଯାୟୀ, ମା’ ହିଙ୍ଗୁଳାଙ୍କ ପାର୍ଶ୍ଵଦେବୀ ଭାବେ ପ୍ରସିଦ୍ଧ କୁଟେଇ ଶୁଣୀଙ୍କ ପୀଠରେ ସୋମବାର ଏହି ପୂଜା କରାଯାଇଥିଲା। ବିଧି ଅନୁଯାଇ ଯଥାରୀତି ପତିଆରଙ୍କୁ ଦେହୁରିମାନେ ଘିଅ, ମୋହୁ, ଗୁଡ, ଝୁଣା ଓ ଧୂପ ଆଦି ଦେଇ ମାଙ୍କୁ ମାଜଣା କରାଇଥିଲେ।
ଏଠାରେ ମା’ କାଳିଶି ରୂପେ ବିଜେ ହୋଇ ଉଦ୍ଭା ସ୍ଥାନ ଚିହ୍ନଟ କରିବାର ପରମ୍ପରା ରହିଛି । ଏହି ପୂଜା ଦେଖିବା ପାଇଁ ଅନେକ ଶ୍ରଦ୍ଧାଳୁଙ୍କ ଭିଡ ମଧ୍ୟ ଦେଖିବାକୁ ମିଳିଥିଲା। ତେବେ ବୁଧବାର ମଧ୍ୟରାତ୍ରରେ ମା’ ସ୍ଵପ୍ନାଦେଶରେ କେଉଁଠାରେ ବିଜେ ହେବେ ସେହି ସ୍ଥାନ ସ୍ଥିରହେବ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
