ଅନୁଗୋଳ: ଚାଲିଥିଲା ଦେଶୀ ମଦ ବିକ୍ରି ଉଦ୍ୟମ । ଆଉ ଧରିନେଲା ଅବକାରୀ ବିଭାଗ । ଏଭଳି ଘଟଣା ଘଟିଛି ଜରାଶିଙ୍ଘା ଗାଁ ନିକଟରେ । ଘଟଣାରେ 2 ଜଣ ଅଭିଯୁକ୍ତଙ୍କୁ ଗିରଫ କରିଛି ଅବକାରୀ ବିଭାଗ ଟିମ୍ । ଉଭୟଙ୍କ ନିକଟରୁ ୯୦୦ ଲିଟର ଦେଶୀ ମଦ ସହ ଗୋଟିଏ ସ୍କର୍ପିଓ ଜବତ କରିଛି ଟିମ୍ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚାନୁଯାୟୀ, ଅଭିଯୁକ୍ତମାନେ ହେଲେ ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ଆମ୍ବପାଳ ଗାଁର ଗତି ପ୍ରଧାନ ଓ କାଳିଆ ନାୟକ । ଉଭୟ ୧୫ରୁ ଅଧିକ ବ୍ଳାଡରରେ ମଦ ଧରି ଅନୁଗୋଳ ଆସୁଥିବାବେଳେ ଜରାଶିଙ୍ଘା ଗାଁ ନିକଟରେ ଅବକାରୀ ବିଭାଗ ଧରିନେଇଥିଲେ ।
ଏହାବ୍ୟତୀତ ଆଉ ଏକ ସ୍କୁଟିରେ ୬୦ ଲିଟରରୁ ଅଧିକ ମଦ ନେଇ ଯାଉଥିବାବେଳେ ବିଭାଗ କର୍ମଚାରୀଙ୍କୁ ଦେଖି ଗାଡି ଛାଡି ଫେରାର ହୋଇଯାଇଥିଲେ । କିନ୍ତୁ ଟିମ୍ ଏମାନଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
