ଅନୁଗୋଳ: କଣ୍ଟେନରରେ ଗଞ୍ଜେଇ ଚାଲାଣ । ଖବର ପାଇ ଅନୁଗୋଳ ଅବକାରୀ ବିଭାଗ ଗଞ୍ଜେଇ ଭର୍ତ୍ତି କଣ୍ଟେନରକୁ ଜବତ କରିଛି । ବୌଦ୍ଧ ଜିଲ୍ଲାରୁ ଭଦ୍ରକ ଗଞ୍ଜେଇ ଚାଲାଣ ବେଳେ ମାଡି ବସିଛି ଅନୁଗୋଳ ଅବକାରୀ ବିଭାଗ । ସୂଚନା ଅନୁଯାୟୀ ଅବକାରୀ ବିଭାଗ ଟିମ ବେଣାଗାଡ଼ିଆ ଠାରେ ଜଗି ରହିଥିବା ବେଳେ କଣ୍ଟେନରରେ ଗଞ୍ଜେଇ ଭର୍ତ୍ତି ହୋଇ ଆସୁଥିବା କଣ୍ଟେନରକୁ ଅଟକାଇ ଯାଞ୍ଚ କରାଯାଇଥିଲା । ଯାଞ୍ଚ ବେଳେ ସେଥିରେ ପ୍ରାୟ ଏକ କୁଇଣ୍ଟାଲ ୨୪ କେଜି ଗଞ୍ଜେଇ ଜବତ ହୋଇଥିଲା ।
ଏଥି ସହ ଅବକାରୀ ବିଭାଗ ଗାଡିର ଚାଳକଙ୍କୁ ଗିରଫ କରିବା ସହ ଅନ୍ୟ ଜଣଙ୍କୁ ମଧ୍ୟ ଗିରଫ କରାଯାଇଛି । ତେବେ ଏହି ଗଞ୍ଜେଇ କେଉଁଠୁ ଆଉ କିଏ ବିକ୍ରି କରୁଥିଲା ଓ ଏହି ଚାଲାଣର ମାଷ୍ଟର ମାଇଣ୍ଡ କିଏ ଏ ନେଇ ଅଧିକ ତଦନ୍ତ କରୁଛି ଅବକାରୀ ବିଭାଗ ।
ଇଟିଭି ଭାରତ, ଅନୁଗୋଳ
