ଅନୁଗୋଳ: ଡିଜିଟାଲ ଇଣ୍ଡିଆ କେବଳ ଏମାନଙ୍କ ପାଇଁ ସ୍ୱପ୍ନ। ଯେଉଁଠି ମୋବାଇଲ ଫୋନରେ କଥା ହେବା ସମ୍ଭବ ନୁହେଁ ସେଇଠି ଇଣ୍ଟରନେଟ ସୁବିଧା କଣ ତାହାବା ଜାଣିବ କିଏ । ସେଠାରେ ଡିଜିଟାଲ କଥା ବା କିଏ ବୁଝିବ । ଅନୁଗୋଳ ଜିଲ୍ଲାର ସାତକୋଶିଆ ଅଭୟାରଣ୍ୟ ଭିତରେ ଥିବା ୭ଟି ପଞ୍ଚାୟତରେ ନା ଅଛି ମୋବାଇଲ ସେବା ନା ଅଛି ଇଣ୍ଟରନେଟ ସୁବିଧା। ଆଜିର ଯୁଗରେ ଇଣ୍ଟରନେଟ ବିନା ଛାତ୍ରଛାତ୍ରୀ ପାଠ ପଢ଼ାରୁ ବଞ୍ଚିତ ହେଉଥିବା ବେଳେ କୌଣସି ସରକାରୀ କାମ ସୁବିଧାରେ ହୋଇ ପାରୁ ନାହିଁ। କହିବାକୁ ଗଲେ ସରକାରୀ ନାରା 'ଡିଜିଟାଲ ଇଣ୍ଡିଆ' ଏମାନଙ୍କ ପାଇଁ କେବଳ ନାଁ କୁ ...
ଏହାଛଡା ଟିକରପଡା, ପୁରୁଣାକୋଟ ଓ ଜଗନାଥପୁର ଠାରେ ବେସରକାରୀ ସଂସ୍ଥା ପକ୍ଷରୁ ୬ରୁ ଅଧିକ ଟାୱାର ନିର୍ମାଣ ହୋଇଛି। କିନ୍ତୁ ତାହା କାର୍ଯ୍ୟକାରୀ ନହୋଇ ନଷ୍ଟ ହେବାକୁ ବସିଲାଣି। ଇଣ୍ଟରନେଟ ସୁବିଧା ପାଇବା ପାଇଁ ଅଞ୍ଚଳବାସୀ ଚାତକ ପରି ଚାହିଁ ବସିଛନ୍ତି। ଏନେଇ ଅଞ୍ଚଳ ଲୋକେ ଅନେକ ଦାବି ଆପତି କରିଛନ୍ତି , କିନ୍ତୁ କେହି ତାଙ୍କ କଥା ଶୁଣି ନାହାନ୍ତି । ଏନେଇ ଆମେ ବିଏସଏନଏଲ ଏସଡିଓ ଯୋଗାଯୋଗ କରିଥିଲୁ ତାଙ୍କ କହିବା କଥା ପୂର୍ବରୁ ୩ଟି ଟାୱାର ନିର୍ମାଣ କରାଯାଇଥିଲା। ଏବେ ସରକାରଙ୍କ ସେମିତି କିଛି ନୂଆ ଯୋଜନା ନାହିଁ । ବର୍ତ୍ତମାନ ମୋବାଇଲ ଓ ଇଣ୍ଟରନେଟ ବିନା କୌଣସି କ୍ଷେତ୍ରରେ ଉନ୍ନତି ଅସମ୍ଭବ। ତେଣୁ ଡିଜିଟାଲ ଇଣ୍ଡିଆର ନାରା ଦେଉଥିବା ସରକାର ଏଠାକାର ଲୋକଙ୍କ ସମସ୍ୟା ପ୍ରତି ଦୃଷ୍ଟି ଦେବା ତାକୁ ହିଁ ଅପେକ୍ଷା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
