ଅନୁଗୋଳ: ଭରତପୁର କୋଇଲା ଖଣି ମାଟି ଧସିବା ଘଟଣାରେ ହୋଇଛି କାର୍ଯ୍ୟାନୁଷ୍ଠାନ । କୋଇଲା ଖଣିର ମ୍ୟାନେଜରଙ୍କୁ ନିଲମ୍ବିତ କରାଯାଇଛି । ଦାୟିତ୍ୱରେ ଅବହେଳା କାରଣରୁ ନିଲମ୍ବନ କରିଛନ୍ତି ମହାନଦୀ କୋଲ୍ଡ ଫିଲ୍ଡ୍ର ସିଏମଡି।
ମ୍ୟାନେଜର ଭି କେ ସିଂଙ୍କ ନିଲମ୍ବନକୁ ନେଇ କମ୍ପାନୀ ପକ୍ଷରୁ ପ୍ରେସ ବିଜ୍ଞପ୍ତି ଜାରି କରାଯାଇଛି । ପ୍ରକାଶଥାଉକି, ମଙ୍ଗଳବାର ରାତିରେ କୋଇଲା ଖଣିରେ ବ୍ଲାଷ୍ଟିଂ ହୋଇ ପ୍ରାୟ 500 ମିଟର ଫୁଟ ଉପରୁ ବିରାଟ ମାଟି ଅତଡା ଖସି ପଡିଥିଲା । ଫଳରେ 13 ଜଣ ଶ୍ରମିକ ମାଟି ତଳେ ଫସି ରହିଥିଲେ । ସେମାନଙ୍କ ମଧ୍ୟରୁ 9 ଜମ ଶ୍ରମିକଙ୍କୁ ଉଦ୍ଧାର କରାଯାଇଥିବା ବେଳେ 4 ଜଣ ଶ୍ରମିକ ନିଖୋଜ ଥିଲେ ।
ପ୍ରକାଶ ଯେ, ବର୍ତ୍ତମାନ ସୁଦ୍ଧା ଏହି 3ଟି ମୃତଦେହ ଉଦ୍ଧାର ହୋଇଥିବା ବେଳେ ଗୋଟିଏ ମୃତଦେହ ଉଦ୍ଧାର ହୋଇ ପାରିନାହିଁ ।
ଅନୁଗୋଳରୁ ସଂଗ୍ରାମ ରଞ୍ଚନ ନାଥ, ଇଟିଭି ଭାରତ
