ଅନୁଗୋଳ: କୋରୋନା ଯୋଦ୍ଧାଙ୍କ ମନୋବଳକୁ ଆହୁରି ଦୃଡ଼ କରିବା ପାଇଁ ମୁଖ୍ୟମନ୍ତ୍ରୀ ଦେଇଥିବା ଆହ୍ୱାନକୁ ପାଳନ କରିଛନ୍ତି ସମସ୍ତେ । ସନ୍ଧ୍ୟା ଠିକ 5 ଟା 30 ସମୟରେ ସମସ୍ତେ ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ କରିଛନ୍ତି । ଅନୁଗୋଳ ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ ମନୋଜ କୁମାର ମହାନ୍ତି ଓ ତାଙ୍କର ପୁରା ଟିମ ସାମାଜିକ ଦୁରତା ବଜାୟ ରଖି କୋରନା ଯୋଦ୍ଧାଙ୍କ ପାଇଁ ବନ୍ଦେ ଉତ୍କଳ ଜନନୀ ଗାନ କରିଥିବା ବେଳେ ଅନୁଗୋଳ ପୌରପାଳିକାରେ ମଧ୍ୟ ସମସ୍ତ କର୍ମଚାରୀ ସଙ୍ଗୀତ ଗାନ କରିଥିଲେ ।
ଯୋଦ୍ଧାଙ୍କ ପାଇଁ ଓଡିଆ ଙ୍କ ସମ୍ମାନ
ସେହିଭଳି ଜିଲ୍ଲା ପୋଲିସ ମୁଖ୍ୟାଳୟରେ ଏସପି ଜଗମୋହନ ମିନା ଓ ସମସ୍ତ ପୋଲିସ କର୍ମଚାରୀ ମାନେ ମଧ୍ୟ ବନ୍ଦେ ଏହି ସଙ୍ଗୀତ ଗାନ କରିଥିଲେ । ସେହିଭଳି ସହର ଓ ଜିଲ୍ଲାର ପ୍ରତ୍ୟେକଟି ଲୋକ କୋରୋନା ବିରୁଦ୍ଧରେ ସଚେତନତା ପାଇଁ ଅହରହ କାର୍ଯ୍ୟ କରୁଥିବା ଡାକ୍ତର, ପୋଲିସ, ସରକାରୀ କର୍ମଚାରୀଙ୍କ ପାଇଁ ବନ୍ଦେ ଉତ୍କଳ ଜନନୀ ଗାନ କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟଭି ଭାରତ
