ଅନୁଗୋଳ: ବେକାରୀ ସମସ୍ୟା ବିରୁଦ୍ଧରେ ଆନ୍ଦୋଳନ କରିବ ସର୍ବଭାରତୀୟ ଗଣତାନ୍ତ୍ରିକ ଯୁବ ସଂଗଠନ (AIDYO) । ଅନୁଗୋଳ ଠାରେ ଆୟୋଜିତ ସଂଗଠନର ତୃତୀୟ ରାଜ୍ୟସ୍ତରୀୟ ସମ୍ମିଳନୀରେ ଏଭଳି ନିଷ୍ପତ୍ତି ହୋଇଛି।
ଦେଶରେ ବଢି ଚାଲିଛି ବେକାରୀ ସମସ୍ୟା । ମୋଦି ସରକାର କ୍ଷମତାକୁ ଆସିବା ପୂର୍ବରୁ ଦେଶରେ 2 କୋଟି ଯୁବକଙ୍କୁ ନିଯୁକ୍ତି ଦେବେ ବୋଲି କହି ଠକିଛନ୍ତି । ଖାଲି ସେତିକି ନୁହେଁ କୋରୋନା ସମୟରେ ବହୁ ଯୁବକ ଚାକିରି ହରାଇଛନ୍ତି । ଏଭଳି ସ୍ଥିତିକୁ ନେଇ ଦେଶବ୍ୟାପୀ ଆନ୍ଦୋଳନ କରାଯିବ ବୋଲି ନିଷ୍ପତ୍ତି ନେଇଛନ୍ତି ସର୍ବଭାରତୀୟ ଗଣତାନ୍ତ୍ରିକ ଯୁବ ସଂଗଠନ । ଅନୁଗୋଳ ଠାରେ ସଂଗଠନ ପକ୍ଷରୁ ଆୟୋଜିତ ତୃତୀୟ ରାଜ୍ୟସ୍ତରୀୟ ସମ୍ମିଳନୀରେ ଏଭଳି ନିଷ୍ପତ୍ତି ହୋଇଛି ।
ଆଜି ଅନୁଗୋଳ ଟାଉନ ହଲରେ ଆୟୋଜିତ ହୋଇଥିଲା ଏହି ତୃତୀୟ ରାଜ୍ୟସ୍ତରୀୟ ସମ୍ମିଳନୀ । ରାଜ୍ୟ ସମସ୍ତ ଜିଲ୍ଲା ଯୁବ ପ୍ରତିନିଧି ମାନେ ଏହି ସମ୍ମିଳନୀରେ ଭାଗ ନେଇଥିଲେ। ଖାଲି ସେତିକି ନୁହେଁ ଯେଉଁମାନେ ଆଜି ଦିନରେ ବେକାର ଅଛନ୍ତି ସେଇ ଯୁବକ ମାନଙ୍କୁ ବେକାରୀ ଭତ୍ତା ଦେବାକୁ ସଂଗଠନ ଦାବି କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ
