ଅନୁଗୋଳ: ଭୟାବହ ଅଗ୍ନିକାଣ୍ଡ। ନିଆଁ ଲାଗି ପୋଡି ଛାରଖାର ହୋଇଗଲା ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ପତ୍ରପଡା ପଞ୍ଚାୟତର କମାର ସାହି। କମାର ସାହି ରେ ଥିବା ପ୍ରାୟ ୨୦ ଟି ପରିବାର ର ୫୦ ବଖରା ଘର ପୋଡି ପାଉଁଶ ହୋଇ ଯାଇଛି।
ଏହାଛଡା ଲୋକଙ୍କ ଲକ୍ଷ ଲକ୍ଷ ଟଙ୍କାର ସମ୍ପତ୍ତି ପୋଡି ଯାଇଛି। ପିନ୍ଧା ଲୁଗାକୁ ଛାଡି ଦେଲେ ବିପନ୍ନଙ୍କ ପାଖରେ କିଛି ନାହିଁ। ଅଗ୍ନିକାଣ୍ଡର କାରଣ ଜଣା ପଡି ନଥିବା ବେଳେ ସ୍ଥାନୀୟ ଦମକଳ ବାହିନୀ ନିଆଁକୁ ଆୟତ୍ତ କରିଛି। ଆଜି ଅପରାହ୍ନରେ ହଠାତ ସାହିରେ ନିଆଁ ଲାଗିବା ଆରମ୍ଭ କରିଥିଲା। ଚାହୁଁ ଚାହୁଁ ନିଆଁ ଅଧିକାଂଶ ଲୋକଙ୍କ ଘରକୁ ବ୍ୟାପି ଯାଇଥିଲା। ଖବର ପାଇ ସ୍ଥାନୀୟ ପ୍ରଶାସନ ମଧ୍ୟ ଗାଁରେ ପହଞ୍ଚିଥିବା ସୂଚନା ରହିଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
