ଅନୁଗୋଳ: ଜିଲ୍ଲାରେ ସୋମବାର ପୁଣି 5 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏହି ପାଞ୍ଚକୁ ମିଶାଇ ଜିଲ୍ଲାରେ ଆକ୍ରାନ୍ତ ସଂଖ୍ୟା 111ରେ ପହଞ୍ଚିଛି। ଚିହ୍ନଟ ହୋଇଥିବା ଆକ୍ରାନ୍ତ ମାନେ ଜିଲ୍ଲାର ବିଭିନ୍ନ ଅଞ୍ଚଳର ବୋଲି ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଜିଲ୍ଲାର କିଶୋର ନଗର ଅଞ୍ଚଳର 45 ବର୍ଷୀୟ ବ୍ୟକ୍ତି ଯିଏ କି ନିଜର ବାପାଙ୍କ କ୍ୟାନ୍ସର ଚିକିତ୍ସା ପାଇଁ କଟକ ଆଚାର୍ଯ୍ୟ ହରିହର କ୍ୟାନ୍ସର ହସ୍ପିଟାଲକୁ ଯାଇଥିଲେ । ସେହିଭଳି ତାଳଚେର ଅଞ୍ଚଳରୁ ତିନିଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଯେଉଁମାନେ କି ହୋମ କ୍ଵରେଣ୍ଟାଇନରେ ଥିଲେ ଓ ସେମାନେ ଅହମଦାବାଦ ଓ କଲିକତାରୁ ଫେରିଥିଲେ ବୋଲି ସୂଚନା ରହିଛି । ସେମାଙ୍କ ମଧ୍ୟରୁ ଜଣେ ମହିଳା ମଧ୍ୟ ଅଛନ୍ତି । ଅନ୍ୟ ଆକ୍ରାନ୍ତ ଜଣକ ଜିଲ୍ଲାର ଅନୁଗୋଳ ବ୍ଲକ ଅଞ୍ଚଳର ସଙ୍ଗରୋଧ କେନ୍ଦ୍ରର ବୋଲି ସୂଚନା ରହିଛି । ତେବେ ସୋମବାର ୩ ଜଣ ଆକ୍ରାନ୍ତ ସୁସ୍ଥ ମଧ୍ୟ ହୋଇଛନ୍ତି । ଯାହାକୁ ମିଶାଇ ଜିଲ୍ଲାରେ ସୁସ୍ଥଙ୍କ ସଂଖ୍ୟା ୬୩କୁ ଵୃଦ୍ଧି ପାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
