ଅନୁଗୋଳ: ଆକ୍ସନ ମୁଡ଼ରେ ଢେଙ୍କାନାଳ ଜିଲ୍ଲା କାମାକ୍ଷାନଗର ପୋଲିସ । ୩ ଆନ୍ତଃଜିଲ୍ଲା ଡକାୟତ ସହ ୩ଟି ଚୋରା ବାଇକ, ଏଚପି କମ୍ପାନୀର ୯ଟି ଲାପଟପ୍,୩ଟି କ୍ୟାନନ କମ୍ପାନୀର ପ୍ରିଣ୍ଟର, ୩ଟି ଗ୍ରାଇଣ୍ଡର ଓ ଗୋଟିଏ ପ୍ରେସର କୁକର ଜବତ କରିଛି ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା,ଅନୁଗୋଳ
ଗତ ମେ ମାସ ୨୯ ତାରିଖ ଦିନ ବିଳମ୍ବିତ ରାତି ପ୍ରାୟ ୧୨ ଟା ବେଳେ ଭୁବନେଶ୍ବରରୁ ରାଉରକେଲା ଯାଉଥିବା ଏକ କ୍ରାନ୍ତିଧାର ଏକ୍ସପ୍ରେସ କାର୍ଗୋ ସର୍ଭିସ ନାମକ କୋରିୟର ସଂସ୍ଥାର ପିକଅପ ଭ୍ୟାନ ସହ ସମସ୍ତ ଜିନିଷକୁ ୪ ଜଣ ଦୁର୍ବୃତ୍ତ ଚୋରି କରି ନେଇ ଯାଇଥିଲେ ।
ଯାହାକୁ ନେଇ କାମାକ୍ଷାନଗର ପୋଲିସ ବିଭିନ୍ନ ସ୍ଥାନରେ ଚଢାଉ କରି ୩ ଡକାୟତକୁ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କର ଆଉ ଜଣେ ସହଯୋଗୀ ଫେରାର ଥିବା ଜଣାପଡିଛି । ଏହି ଡକାୟତଙ୍କ ନାମରେ ପୂର୍ବରୁ ଜିଲ୍ଲାର ବିଭିନ୍ନ ଥାନାରେ ଏକାଧିକ ମାମଲା ଥିବା ଜଣାପଡ଼ିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
