ଅନୁଗୋଳ: ଡକାୟତି ପୂର୍ବରୁ ଡକାୟତଙ୍କୁ କାବୁ କରିଛି ଅନୁଗୋଳ ପୋଲିସ । ଅନୁଗୋଳ ସହରର ହାଟ ଛକ ପାଖରୁ ଏକ ଡକାୟତି ଉଦ୍ୟମକୁ ପୋଲିସ ପଣ୍ଡ କରିଛି । ପାଟ୍ରୋଲିଂ କରୁଥିବା ବେଳେ ୪ ଦୁର୍ବୃତ୍ତଙ୍କୁ ଗିରଫ କରିଛି ପୋଲିସ । ସେପଟେ ପୋଲିସକୁ ଜଣେ ଚକମା ଦେଇ ଫେରାର ହୋଇଯାଇଥିବା ସୂଚନା ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଏନେଇ ଏକ ମାମଲା ରୁଜୁ କରି ପୋଲିସ ଜରାସିଂହାର ସାଗର ସାହୁ ଅଙ୍ଗାରବନ୍ଧର ସୁବ୍ରତ କଟାର, ବିହାର ଢାକମୋରେ ଅଞ୍ଚଳର ଅଜିତ ଶର୍ମା ଓ ଲସ୍କରି ଅଞ୍ଚଳର ଅରୁଣ ମଣ୍ଡଳଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କ ନିକଟରୁ ଗୋଟିଏ ପିସ୍ତଲ, ୧୨ଟି ୮ ଏମ୍ଏମ୍ ଜୀବନ୍ତ ଗୁଳି, ଗୋଟିଏ ଛୁରି ଓ ସୁନା ଜବତ ହୋଇଛି । ଏମାନେ ଏକ ବଡ ଧରଣର ଡକାୟତି ପାଇଁ ଯୋଜନା କରୁଥିବା ପୋଲିସ ସୂଚନା ଦେଇଛି । ଏମାନଙ୍କ ବିରୋଧରେ ପୂର୍ବରୁ ଥାନାରେ ଅପରାଧିକ ମାମଲା ଥିବା ପୋଲିସ କହିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
