ଟୋକିଓ: ମଙ୍ଗଳବାର Tokyo Olympics ରେ ସାରା ଭାରତ ବର୍ଷର ନଜର ରହିବ ଭାରତୀୟ ପୁରୁଷ ହକି ଟିମ୍ ଉପରେ । ଅନେକ ବର୍ଷ ଧରି ହକିରେ ପଡ଼ିଥିବା ପଦକ ମରୁଡ଼ିକୁ ଅନ୍ତ କରିବାର ସୁଯୋଗ ରହିଛି ଭାରତୀୟ ହକି ଟିମ୍ ପାଖରେ ।
ମନପ୍ରୀତ ସିଂହଙ୍କ ନେତୃତ୍ବାଧୀନ ଦଳ ଟୋକିଓ ଅଲିମ୍ପିକ୍ସରେ ଚମତ୍କାର ଫର୍ମରେ ରହି 1972 ପରେ ପ୍ରଥମ ଥର ପାଇଁ ଅଲମ୍ପିକର ସେମିଫାଇନାଲରେ ପ୍ରବେଶ କରିଛି ।
ହକି ଛଡ଼ା ଦୁଇ ଭାରତୀୟ ଟ୍ରାକ ଏବଂ ଫିଲ୍ଡ ଇଭେଣ୍ଟରେ ମଧ୍ୟ ପ୍ରତିଦ୍ବନ୍ଦ୍ବିତା କରିବେ । ଅନ୍ନୁ ରାନୀ ମହିଳା ଜାଭେଲିନ୍ ଥ୍ରୋ ଯୋଗ୍ୟତା ପର୍ଯ୍ୟାୟରେ ଖେଳିବାକୁ ଥିବାବେଳେ ତଜିନ୍ଦରପାଲ ସିଂ ତୁର୍ ପୁରୁଷ ସଟ୍ ପୁଟ୍ ଯୋଗ୍ୟତା ପର୍ଯ୍ୟାୟ ଖେଳିବେ ।
ଆଥଲେଟିକ୍ସ
ଜାଭେଲିନ୍ ଥ୍ରୋ (ମହିଳା ଯୋଗ୍ୟତା ପର୍ଯ୍ୟାୟ): ଗ୍ରୁପ୍-ଏ - ଅନ୍ନୁ ରାନୀ
ଭାରତୀୟ ସମୟ ସକାଳ ୫.30 ରୁ ହେବ ଆରମ୍ଭ ।
ସଟ୍ ପୁଟ୍ (ପୁରୁଷ ଯୋଗ୍ୟତା ପର୍ଯ୍ୟାୟ): ତଜିନ୍ଦରପାଲ ସିଂ ତୁର୍
ଭାରତୀୟ ସମୟ ଅପରାହ୍ଣ ୩.୪୫ ରୁ ଆରମ୍ଭ ।
ହକି
ପୁରୁଷ ସେମିଫାଇନାଲ: ଭାରତ ବନାମ ବେଲଜିୟମ
ଭାରତୀୟ ସମୟ ସକାଳ ୭ଟାରୁ ହେବ ଆରମ୍ଭ ।
କୁସ୍ତି
ମହିଳା ଫ୍ରିଷ୍ଟାଇଲ୍ (62 କିଗ୍ରା, ରାଉଣ୍ଡ ଅଫ୍ ୧୬): ସୋନମ ମଲିକ ବନାମ ବୋଲରତୁୟା ଖୁରେଲଖୁ ।
ମହିଳା ଫ୍ରିଷ୍ଟାଇଲ୍ (62 କିଗ୍ରା, କ୍ବାର୍ଟର ଫାଇନାଲ): ଯଦି ସୋନମ ମଲିକ ଯୋଗ୍ୟତା ଅର୍ଜନ କରନ୍ତି ।
ମହିଳା ଫ୍ରିଷ୍ଟାଇଲ୍ (62 କିଗ୍ରା, ସେମିଫାଇନାଲ): ଯଦି ସୋନମ ମଲିକ ଯୋଗ୍ୟତା ଅର୍ଜନ କରନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
