ଟୋକିଓ: Tokyo Olympics ରେ ଶନିବାର ସେମିଫାଇନାଲରେ ଚାଇନା ତାଇପେଇର ତାଇ ଜୁ ୟିଙ୍ଗଙ୍କ ଠାରୁ ପରାଜୟର ସମ୍ମୁଖୀନ ହୋଇଥିବା ପିଭି ସିନ୍ଧୁ ମହିଳା ଏକକ ବର୍ଗ କାଂସ୍ୟ ପଦକ ପାଇଁ ରବିବାର ମ୍ୟାଚ ଖେଳିବେ । ଅନ୍ୟପକ୍ଷରେ ଡାହାଣ ଆଖିରେ ଆଘାତ ଲାଗି କଟିଯାଇଥିବା ବକ୍ସର ସତୀଶ କୁମାର ସେମି ଫାଇନାଲରେ ନିଜର ସ୍ଥାନ ନିଶ୍ଚିତ କରିବାକୁ ଚେଷ୍ଟା କରିବେ ।
ଏହି ଆଥଲେଟଙ୍କ ଉପରେ ରହିବ ଦେଶବାସୀଙ୍କ ନଜର ।
ସତୀଶ କୁମାର - ବକ୍ସିଂ
ଅଲିମ୍ପିକ୍ସରେ ପ୍ରତିଦ୍ବନ୍ଦ୍ବିତା କରିବା ପାଇଁ ଭାରତର ପ୍ରଥମ ସୁପର ହେଭିୱେଟ୍ (+୯୧ କିଗ୍ରା) ବକ୍ସର ସତୀଶ କୁମାର ଗୁରୁବାର ନିଜର ପ୍ରି-କ୍ବାର୍ଟର ଫାଇନାଲରେ ଜାମାଇକର ରିକାର୍ଡୋ ବ୍ରାଉନଙ୍କୁ ପରାସ୍ତ କରି କ୍ବାର୍ଟର ଫାଇନାଲକୁ ଉତିର୍ଣ୍ଣ ହୋଇଥିଲେ। ଡେବ୍ୟୁଟାଣ୍ଟଙ୍କ ଯୁଦ୍ଧରେ, 32 ବର୍ଷୀୟ ସତୀଶ 4-1ରେ ବିଜୟୀ ହୋଇଥିଲେ ।
ସତିଶ କ୍ବାର୍ଟର ଫାଇନାଲରେ ଉଜବେକିସ୍ତାନର ବାଖୋଡିର ଜାଲୋଲୋଭଙ୍କ ସହ ମୁହାଁମୁହିଁ ହେବେ । ତେବେ ସତୀଶ ଆହତ ହୋଇଥିବା ଯୋଗୁଁ ତାଙ୍କର ଖେଳିବା ନେଇ ଆଶଙ୍କା ପ୍ରକାଶ ପାଇଛି ।
ପିଭି ସିନ୍ଧୁ - ବ୍ୟାଡମିଣ୍ଟନ
ଶନିବାର ସେମିଫାଇନାଲରେ ଚାଇନା ତାଇପେଇର ତାଇ ଜୁ ୟିଙ୍ଗଙ୍କ ଠାରୁ ୧୮-୨୧, ୧୨-୨୧ ରେ ପରାଜିତ ହେବାପରେ ସିନ୍ଧୁ କାଂସ୍ୟ ପଦକ ପାଇଁ ଚାଇନାର ହେ ବିଙ୍ଗ ଜିଆଓଙ୍କ ସହ ରବିବାର ଖେଳିବେ ।
ଭାରତୀୟ ପୁରୁଷ ଦଳ - ହକି
ଚଳିତ Tokyo Olympics କ୍ବାର୍ଟର ଫାଇନାଲରେ ରବିବାର ଭାରତୀୟ ପୁରୁଷ ହକି ଦଳ ଗ୍ରେଟ ବ୍ରିଟେନ ସହ ମୁହାଁମୁହିଁ ହେବ ।
ଶୁକ୍ରବାର ଦିନ ଭାରତ ପୁଲ୍-ଏ ମ୍ୟାଚରେ ଜାପାନକୁ 5-3ରେ ପରାସ୍ତ କରି ନିଜ ପୁଲର ଦ୍ବିତୀୟ ସ୍ଥାନରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
