ଟୋକିଓ: ପାରାଲମ୍ପିକ୍ସର ଟେବୁଲ ଟେନିସ ଇଭେଣ୍ଟ ଗ୍ରୁପ-ଡି C୩ କାଟାଗୋରୀ ମ୍ୟାଚରେ ପରାଜିତ ହେଲେ ଭାରତୀୟ ପେଡଲର ସୋନାଲବେନ ପଟେଲ । C୩ କାଟାଗୋରୀ ପ୍ରଥମ ରାଉଣ୍ଡରେ ଦକ୍ଷିଣ କୋରିଆର ଲି' ମି-ଗ୍ୟୁଙ୍କୁ ଭେଟିଥିଲେ ସୋନାଲବେନ । ମହିଳା ଏକକ ବର୍ଗ ବିଭାଗରେ ଦକ୍ଷିଣ ଆଫ୍ରିକାର ପେଡଲରଙ୍କଠାରୁ ୩-୧ରେ ପରାଜିତ ହୋଇଛନ୍ତି ସୋନାଲ ବେନ ।
ପ୍ରଥମ ସେଟରେ ଦୁହିଁଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା । ଏହି ସେଟକୁ ୧୦-୧୨ରେ ଜିତି ନେଇଥିଲେ ସୋନାଲବେନ । ଏହାପରେ ଲଗାତାର ୩ଟି ସେଟ୍ ୧୧-୫, ୧୧-୩ ଓ ୧୧-୯ରେ ଲି' ମି-ଗ୍ୟୁ ସୋନାଲବେନଙ୍କୁ ପରାଜିତ କରିଛନ୍ତି । ଦୀର୍ଘ ୩୦ ମିନିଟ ଧରି ଏହି ମ୍ୟାଚ ଚାଲିଥିଲା ।
ପ୍ରଥମ ସେଟରେ ବିଜୟୀ ହୋଇଥିଲେ ସୁଦ୍ଧା ଏହି ମୋମେଣ୍ଟମକୁ ଆଗକୁ ନେଇ ପାରିନଥିଲେ ସୋନାଲବେନ । ଯାହାଫଳରେ ତାଙ୍କୁ ପରାଜିତ ହେବାକୁ ପଡ଼ିଛି । ଏହାଛଡ଼ା ବୁଧବାର ଖେଳାଯାଇଥିବା ଗ୍ରୁପ ଡି' ଅନ୍ୟ ଏକ ମ୍ୟାଚରେ ମଧ୍ୟ ସେ ପରାଜିତ ହୋଇଥିଲେ । ଚୀନର କିୟାନ ଲି'ଙ୍କଠାରୁ ପ୍ରଥମ ମ୍ୟାଚରେ ସେ ପରାଜିତ ହୋଇଥିଲେ ।
ସେପଟେ ଭାବିନା ପଟେଲ ନିଜର ମ୍ୟାଚ ଜିତି ରାଉଣ୍ଡ ୧୬କୁ ଉନ୍ନିତ ହୋଇଛନ୍ତି । ସୋନାଲବେନ ମଧ୍ୟ ଭଲ ପ୍ରଦର୍ଶନ କରିବେ ଆଶା କରାଯାଉଥିଲା । ତେବେ ତାହା ଫଳପ୍ରଦ ହୋଇ ପାରିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
