ଲଣ୍ଡନ: ଚଳିତ ୱିମ୍ବଲଡନ ଚମ୍ପିଆନସିପ ମହିଳା ଭାରତୀୟ ଟେନିସ ଷ୍ଟାର ଅଙ୍କିତା ରାଇନାଙ୍କ ପାଇଁ ଡେବ୍ୟୁ ୱିମ୍ବଲଡନ ଥିଲା । ମହିଳା ଯୁଗଳ ମୁଖ୍ୟ ଡ୍ରରେ ଖେଳିବାକୁ ଅଙ୍କିତା ଯୋଗ୍ୟତା ଅର୍ଜନ କରିଥିଲେ ଓ ଆମେରିକୀୟ ଖେଳାଳି ଲାଉରେନ ଡେଭିସ ତାଙ୍କର ଯୋଡି ରହିଥିଲେ ।
ତେବେ ପ୍ରଥମ ରାଉଣ୍ଡରେ ଆମେରିକୀୟ ଯୋଡି ଅସିଆ ମୁହମ୍ମଦ ଓ ଜେସିକା ପେଗୁଲାଙ୍କ ଠାରୁ ସିଧାସଳଖ ସେଟ୍ରେ ପରାସ୍ତ ହୋଇ ଟୁର୍ଣ୍ଣାମେଣ୍ଟରୁ ବାହାର ହୋଇଛନ୍ତି ଅଙ୍କିତା-ଡେଭିସ ଯୋଡି । ଫଳରେ ମହିଳା ଯୁଗଳ ବର୍ଗରେ ପରବର୍ତ୍ତୀ ରାଉଣ୍ଡକୁ ଉନ୍ନୀତ ହେବାରେ ନିରାଶ ହୋଇଛନ୍ତି ଅଙ୍କିତା ।
ପ୍ରାୟ ଏକଘଣ୍ଟା 10 ମିନିଟ ଧରି ଖେଳାଯାଇଥିବା ଏହି ମ୍ୟାଚ୍ରେ ଅଙ୍କିତା-ଡେଭିସଙ୍କୁ 6-3, 6-2 ସେଟ୍ରେ ଆମେରିକୀୟ ଯୋଡି ସହଜରେ ହରାଇଛନ୍ତି ।
ତେବେ ଅଙ୍କିତା ମିଶ୍ରିତ ଯୁଗଳରେ ରାମକୁମାର ରାମାନାଥନଙ୍କ ସହ ମିଶି ଅନ୍ୟତମ ଭାରତୀୟ ଟେନିସ ଷ୍ଟାର ସାନିଆ ମୀର୍ଜା ଓ ରୋହନ ବୋପାନ୍ନାଙ୍କ ସହ ପ୍ରଥମ ରାଉଣ୍ଡରେ ଲଢେଇ କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
