ପ୍ୟାରିସ: ଫ୍ରେଞ୍ଚ ଓପନ ସେମିଫାଇନାଲରେ ରାଫେଲ ନାଡାଲ ଜବରଦସ୍ତ ପ୍ରଦର୍ଶନ କରିଛନ୍ତି । ରୋଜର ଫେଡେରରଙ୍କୁ 6-3, 6-4, 6-2 ସେଟରେ ହରାଇ ଫାଇନାଲରେ ପହଞ୍ଚିଛନ୍ତି ନାଦାଲ । ଚଳିତଥରକୁ ମିଶାଇ ରାଫେଲ ନାଦାଲଙ୍କ ଏହା ଦ୍ବାଦଶତମ ଫାଇନାଲ ପ୍ରବେଶ । ତେବେ ପୂର୍ବରୁ ଥରେ ବି ଫାଇନାଲରେ ହାରିନାହାଁନ୍ତି ନାଦାଲ । 11ଥର ଚମ୍ପିଆନ ହୋଇଛନ୍ତି ସେ ।
ମ୍ୟାଚପରେ ଫେଡେରର ନାଦାଲଙ୍କୁ ପ୍ରଶଂସା କରିଥିଲେ । କୋର୍ଟରେ ନାଦାଲଙ୍କ ଖେଳ ସର୍ବଦା ଉଚ୍ଚକୋଟୀର ଥାଏ । ନାଦାଲ ପ୍ରତିପକ୍ଷକୁ ଉପାୟ ଶୂନ୍ୟ କରିଦିଅନ୍ତି ବୋଲି ଫେଡେରର କହିଛନ୍ତି ।
ନାଦାଲ ମଧ୍ୟ ଫେଡେରରଙ୍କ ଠାରୁ ଶକ୍ତିଶାଳୀ ପ୍ରତିପକ୍ଷ କେହି ନାହାଁନ୍ତି ଏବଂ ସବୁବେଳେ ତାଙ୍କ ବିପକ୍ଷରେ ଖେଳିବା ସୌଭାଗ୍ୟର କଥା ବୋଲି କହିଥିଲେ । ଫେଡେରରଙ୍କ ପରି ଦ୍ବିତୀୟ ବ୍ୟକ୍ତି ପୃଥିବୀରେ ନାହାନ୍ତି କହି ପ୍ରଶଂସା କରିଥଲେ ନାଦାଲ ।
ରବିବାର ଫ୍ରେଞ୍ଚ ଓପନର ଫାଇନାଲ ମୁକାବଲା ଖେଳାଯିବ । ବର୍ଷା ଯୋଗୁଁ ବିଶ୍ବ ମାନ୍ୟତାର ଶୀର୍ଷ ଖେଳାଳି ନୋଭାକ ଜୋକଭିକ ଓ 4ନଂ ଖେଳାଳି ଡୋମିନିକା ମଧ୍ୟରେ ମ୍ୟାଚ ଅଧା ଖେଳାଯାଇଛି । ତେବେ ଆଜି ଏହି ମ୍ୟାଚ ଖେଳାଯିବ। ଏହି ମ୍ୟାଚର ବିଜେତା ଫାଇନାଲରେ ରାଫେଲ ନାଦାଲଙ୍କୁ ଭେଟିବେ ।
