ସିଡନି: ପ୍ରକାଶ ପାଇଛି ମହିଳା ଟେନିସ ମାନ୍ୟତା । ଅଷ୍ଟ୍ରେଲିଆ ଓପନରେ ପରାଜୟ ସତ୍ତ୍ବେ ମାନ୍ୟତାର ଶୀର୍ଷରେ ରହିଛନ୍ତି ଅଷ୍ଟ୍ରେଲିଆର ଆସ୍ ବାର୍ଟି ।
ଅଷ୍ଟ୍ରେଲିଆ ଓପନ ସେମିଫାଇନାଲରେ ପରାସ୍ତ ହୋଇଥିଲେ 23 ବର୍ଷିୟା ଆସ୍ ବାର୍ଟି । ଆମେରିକାର ସୋଫିଆ କେନିନଙ୍କ ଠାରୁ 7-6,7-5 ସେଟରେ ହାରିଥିଲେ ବାର୍ଟି । ଏହାପରେ 21 ବର୍ଷିୟା ଯୁବ ଟେନିସ ଖେଳାଳି ସୋଫିଆ ଅଷ୍ଟ୍ରେଲିଆ ଓପନ ଟାଇଟେଲ ବିଜୟୀ ହୋଇଥିଲେ । ତେବେ ମାନ୍ୟତାର 7ମ ସ୍ଥାନରେ ରହିଛନ୍ତି ସୋଫିଆ।
ରୋମାନିଆର ସିମୋନା ହେଲେପ ମହିଳା ଟେନିସ ମାନ୍ୟତାର 2ୟ ସ୍ଥାନରେ ରହିଛନ୍ତି । 3ୟ ସ୍ଥାନରେ କରୋଲିନା ପ୍ଳିସକୋଭା ଓ 4ର୍ଥ ସ୍ଥାନରେ ସ୍ବିଜରଲାଣ୍ଡର ବେଲିଣ୍ଡା ବେନକିକ ରହିଛନ୍ତି । କାନାଡାର ବିୟାଙ୍କା ଆଣ୍ଡ୍ରେସ୍କୁ ମାନ୍ୟତାର 5ମ ସ୍ଥାନରେ ରହିଛନ୍ତି । ତେବେ ପୂର୍ବତନ ବିଶ୍ବ ନଂ 1 ଖେଳାଳି ଜାପାନର ନାଓମି ଓସାକା 10ମ ସ୍ଥାନକୁ ଖସିଛନ୍ତି । ଭେଟେରାନ ସେରେନା ୱିଲିୟମସ 9ମ ସ୍ଥାନରେ ରହିଛନ୍ତି ।
