ନୂଆଦିଲ୍ଲୀ: ଛତ୍ରଶାଲ ଷ୍ଟାଡିୟମରେ ହୋଇଥିବା କୁସ୍ତିଯୋଦ୍ଧା ସାଗର ହତ୍ୟା ମାମଲାରେ ବଡ ଖୁଲାସା । ଅଭିଯୁକ୍ତ କୁସ୍ତିଯୋଦ୍ଧା ସୁଶୀଲ କୁମାର ସାଗରଙ୍କୁ ପିଟୁଥିବାର ଭିଡିଓ ସାମ୍ନାକୁ ଆସିଛି । ଭିଡିଓରେ ସୁଶୀଲଙ୍କ ହାତରେ ଏକ ଶକ୍ତ ବାଡି ଥିବା ସ୍ପଷ୍ଟ ଜଣାପଡୁଛି । ଏହି ମାମଲାରେ ପୋଲିସ ପାଖରେ ମାରପିଟର ଭିଡିଓ ଫୁଟେଜ ପୂର୍ବରୁ ରହିଛି । ଏଫଏସଏଲର ରିପୋର୍ଟରେ ଏହା ମଧ୍ୟ ସ୍ପଷ୍ଟ ହୋଇଛି ଯେ, ଭିଡିଓ ସହ କୌଣସି ପ୍ରକାର ଏପଟ ସେପଟ କରାଯାଇନାହିଁ ।
ଗତ 4 ମେ ବିଳମ୍ବିତ ରାତିରେ ଛତ୍ରଶାଲ ଷ୍ଟାଡିୟମରେ ସାଗର ଏବଂ ତାଙ୍କର ଦୁଇ ସାଥୀ ଅମିତ ଓ ସୋନୁଙ୍କୁ ପିଟାଯାଇଥିଲା । ଏହି ସମୟର ଭିଡିଓ ଦିଲ୍ଲୀ ପୋଲିସ ପାଖରେ ମଧ୍ୟ ମହଜୁଦ ରହିଛି ।
ଏଥିରେ ଗୁରୁତ୍ବର ଭାବେ ସାଗର ଆହତ ହୋଇଥିଲେ ଓ ପରେ ଚିକିତ୍ସାଧୀନ ଅବସ୍ଥାନରେ ତାଙ୍କର ମୃତ୍ୟୁ ହୋଇଥିଲା । ମାମଲାରେ କୁସ୍ତିଯୋଦ୍ଧା ସୁଶୀଲ କୁମାରଙ୍କ ସମେତ ମୋଟ 7ଜଣ ଅଭିଯୁକ୍ତଙ୍କୁ ଗିରଫ କରାଯାଇସାରିଛି । ତେବେ ଏକାଧିକ ଅନ୍ୟ ଅଭିଯୁକ୍ତ ଏବେବି ଫେରାର ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
