ହାଇଦ୍ରାବାଦ: ଟୋକିଓ ଅଲମ୍ପିକ୍ସର ଉଦ୍ଘାଟନୀ ଉତ୍ସବରେ ଭାରତର ପତାକାବାହକ ଭାବେ ନାମ ଘୋଷଣା ପରେ ଭାବବିହ୍ବଳ ହୋଇପଡିଛନ୍ତି ଦୁଇ ଭାରତୀୟ ଷ୍ଟାର ମେରୀକମ ଓ ମନପ୍ରୀତ ସିଂହ ।
ଏହି ବିରଳ ସୁଯୋଗ ମିଳିବା ପରେ ବହୁତ ଖୁସି ବୋଲି କହିଛନ୍ତି ମେରୀ । ଏଥିସହ ମେଗା ପ୍ରତିଯୋଗିତାରେ ଶ୍ରେଷ୍ଠ ପ୍ରଦର୍ଶନ କରିବେ ବୋଲି ଦୃଢୋକ୍ତି କରିଛନ୍ତି । ମନପ୍ରୀତ ସଂହ ମଧ୍ୟ ଏହା ସମ୍ମାନର କଥା ଓ ଖୁସିକୁ ବୟାସ କରିବାକୁ ଶବ୍ଦ କମ ପଡୁଛି ବୋଲି କହିଛନ୍ତି ।
ଭାରତୀୟ ଅଲମ୍ପିକ ଆସୋସିଏସନ(IOA) ସୋମବାର ବକ୍ସର ମେରୀ କମ ଓପୁରୁଷ ହକି ଟିମ ଇଣ୍ଡିଆ କ୍ୟାପଟେନ ମନପ୍ରୀତ ସିଂହଙ୍କ ନାମ ଆଗାମୀ ଟୋକିଓ ଅଲମ୍ପିକ୍ସରେ ଭାରତର ପ୍ରତୀକ ତୀରଙ୍ଗା ଧରିବେ ବୋଲି ସ୍ପଷ୍ଟ କରିଛି । କୁସ୍ତିଯୋଦ୍ଧା ବଜରଙ୍ଗ ପୁନିଆ ଉଦ୍ଯାପନୀ ଉତ୍ସାବରେ ଭାରତର ପତାକା ଧରିବେ ।
ପତାକାବାହକ ଭାବେ ଚୟନ ହୋଇଥିବାରୁ SAI, IOA, କ୍ରୀଡା ମନ୍ତ୍ରଣାଳୟ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି ମେରୀ କମ । ସମସ୍ତଙ୍କୁ ଏହି ସୁଯୋଗ ମିଳିବା ସହଜ ନୁହେଁ ବୋଲି ସେ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
