ଟୋକିଓ: ଭାରତୀୟ ପୁରୁଷ ଜାଭଲିନ ଥ୍ରୋ ଗ୍ରୁପ ବି ଖେଳାଳି ଶିବପାଲ ସିଂ ଭାରତକୁ ନିରାଶ କରିଛନ୍ତି । ୩ଥର ପ୍ରୟାସ କରି ମଧ୍ୟ ଫାଇନାଲକୁ ଯୋଗ୍ୟତା ଅର୍ଜନ କରି ପାରିନାହାନ୍ତି ଶିବପାଲ । ଏହା ସହିତ ତାଙ୍କର ଅଲମ୍ପିକ ଯାତ୍ରା ଶେଷ ହୋଇଛି ।
ଶିବପାଲ ତାଙ୍କ ପ୍ରଥମ ପ୍ରୟାସରେ ୭୬.୪୦ ଦୂରତା ଯାଏଁ ଜାଭଲିନ ଫିଙ୍ଗି ଥିବାବେଳେ ଦ୍ବିତୀୟ ପ୍ରୟାସର ୭୪.୮୦ ମିଟର ଓ ଅନ୍ତିମ ପ୍ରୟାସରେ ୭୪.୮୧ ମିଟର ଜାଭଲିନ ଫିଙ୍ଗି ଥିଲେ । ତିନୋଟି ପ୍ରୟାସରେ ୭୬.୪୦ ଦୂରତା ତାଙ୍କର ଶ୍ରେଷ୍ଠ ପ୍ରଦର୍ଶନ ଥିଲା ।
ଫାଇନାଲକୁ ଯୋଗ୍ୟତା ଅର୍ଜନ କରି ପାରିନାହାନ୍ତି ଶିବପାଲ । ତାଙ୍କର ନିରାଶଜନକ ପଦର୍ଶନ ପାଇଁ ଟୋକିଓ ଅଭିଯାନ ଶେଷ ହୋଇଛି । ଅନ୍ୟପଟେ ଭାରତୀୟ ପୁରୁଷ ଜାଭଲିନ ଥ୍ରୋ ଗ୍ରୁପ-ଏରେ ଭଲ ପ୍ରଦର୍ଶନ କରି ଫାଇନାଲକୁ ଯୋଗ୍ୟତା ଅର୍ଜନ କରିଛନ୍ତି ନିରଜ ଚୋପ୍ରା । ଫାଇନାଲରେ ନିରଜଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ ।
ବ୍ୟୁରୋ ରିପୋର୍ଟ,ଇଟିଭି ଭାରତ
