ନୂଆଦିଲ୍ଲୀ: ଭାରତୀୟ ଷ୍ଟାର ଟେବୁଲ ଟେନିସ ଖେଳାଳି ସରଥ କମଲଙ୍କୁ ମିଳିଛି ନିଆରା ମାନ୍ୟତା । ଟେବୁଲ ଟେନିସ ମାନ୍ୟତାରେ ଭାରତୀୟ ଖେଳାଳି ଭାବେ ଶ୍ରେଷ୍ଠ ମାନ୍ୟତାରେ ରହିଛନ୍ତି ଭେଟେରାନ ସରଥ ।
ପୂର୍ବରୁ ଜି ସାଥିୟାନ ଭାରତୀୟ ଖେଳାଳି ଭାବେ ପୁରୁଷ ବର୍ଗରେ ପଏଣ୍ଟ ତାଲିକାର ଶ୍ରେଷ୍ଠ ମାନ୍ୟତାରେ ରହିଥିଲେ । ତେବେ ଗତ ମାସରେ ସରଥ ଓମାନ ଓପନ ହାତେଇବା ସହ, 7ଟି ସ୍ଥାନ ଉପରକୁ ଉଠିଛନ୍ତି । ଅନ୍ତର୍ଜାତୀୟ ଟେବୁଲ ଟେନିସ ଫେଡେରେସନ(ITTF) ପକ୍ଷରୁ ସଦ୍ୟ ପ୍ରକାଶିତ ମାନ୍ୟତା ତାଲିକାରେ 31 ତମ ସ୍ଥାନରେ ରହିଛନ୍ତି ସରଥ କମଲ ।
ଅନ୍ୟଭାରତୀୟ ଖେଳାଳିଙ୍କ ମଧ୍ୟରେ ମନିକା ବାତ୍ରା 63 ଓ ସୁତୀର୍ଥ ମୁଖାର୍ଜୀ 95 ତମ ସ୍ଥାନରେ ରହିଛନ୍ତି । ହରମିତ ଦେଶାଇ 72, ଆନ୍ଥୋନି ଅମଲରାଜ 100 ଓ ମାନଭ ଠାକୁର 139ତମ ସ୍ଥାନରେ ରହିଛନ୍ତି ।
