ବେଙ୍ଗାଲୁରୁ: କର୍ଣ୍ଣାଟକର ବିଜୟପୁରାରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଦୁଇ କବାଡି ଖେଳାଳିଙ୍କ ମୃତ୍ୟୁ ହୋଇଛି । ଖେଳାଳି ବସିଥିବା ଟ୍ରାଭେରା କାର୍କୁ ବିପରୀତ ଦିଗରୁ ଏକ ଲୋରି ଦ୍ରୁତ ଗତିରେ ଆସି ଧକ୍କା ଦେଇଥିଲା । 8ଜଣ କବାଡି ଖେଳାଳି ମହାରାଷ୍ଟ୍ରର ବାରାମତୀ ଗ୍ରାମରୁ କବାଡି ପ୍ରୋ-ଲିଗ ଟୁର୍ଣ୍ଣାମେଣ୍ଟରେ ଭାଗ ନେବାକୁ ମହାରାଷ୍ଟ୍ରରୁ ଆସୁଥିଲେ ।
ଦୁଇଜଣଙ୍କ ଦୁର୍ଘଟଣାସ୍ଥଳରେ ମୃତ୍ୟୁ ହେବା ପରେ ଅନ୍ୟ 6ଜଣ ଖେଳାଳି ଗୁରୁତର ଆହତ ହୋଇଛନ୍ତି । ସେମାନଙ୍କର ଚିକିତ୍ସା କୋଲହାର ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ କରାଯାଉଛି । ମୃତ ଖେଳାଳିଙ୍କ ପରିଚୟ ମିଳିଥିବାବେଳେ ଜଣଙ୍କ ନାମ ସୋହେଲ(22 ବର୍ଷ) ଓ ମହାଦେବା(20 ବର୍ଷ) ବୋଲି ଜଣାପଡିଛି ।
ମହାରାଷ୍ଟ୍ର କୋଲହାରା ପୋଲିସ ଘଟଣାସ୍ଥଳରେ ପହଞ୍ଚିବା ସହ ତଦନ୍ତ ଆରମ୍ଭ କରିଛି । ଥାନାରେ ଏନେଇ ଏକ ମାମଲା ରୁଜୁ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
