ନୂଆଦିଲ୍ଲୀ: ସିନିୟର ନ୍ୟାସନାଲ ଫେଡେରେସନ କପ ଆଥଲେଟିକ୍ସର ପ୍ରଥମ ଦିନରେ ଚମକିଲେ ଏସିଆନ ମେଡାଲ ବିଜେତା ଜାଭେଲିନ ଥ୍ରୋ ଆଥଲେଟ ଅନୁ ରାନୀ । ଏନଆଇଏସ୍ ପଟିଆଲାରେ ସୋମବାର 63.24 ମିଟର ଥ୍ରୋ କରିବା ସହ ନୂଆ ଜାତୀୟ ରେକର୍ଡର ଅଧିକାରୀ ହୋଇଛନ୍ତି । ତେବେ ଟୋକିଓ ଅଲମ୍ପିକ୍ସ ଯୋଗ୍ୟତା ପର୍ଯ୍ୟାୟ ମାର୍କ 64 ମିଟରରୁ ଅଳ୍ପକେ ବଞ୍ଚିତ ହୋଇଛନ୍ତି।
28 ବର୍ଷୀୟ ଉତ୍ତରପ୍ରଦେଶ ଅନ୍ତର୍ଜାତୀୟ ଜାଭେଲିନ ଥ୍ରୋ ଆଥଲେଟ ପ୍ରଥମ ପ୍ରଥମ ଥ୍ରୋ ରେ 61.45 ମିଟର ଫିଙ୍ଗିଥିଲେ । ପରେ 63.24 ମିଟର ଫିଙ୍ଗିବା ସହ 2019ରେ ନିଜର 62.34 ମିଟର ରେକର୍ଡକୁ ଅତିକ୍ରମ କରିଥିଲେ ।
ସେହିପରି ରାଜସ୍ଥାନର ସଞ୍ଜନା ଚୌଧୁରୀ 54.55 ମିଟର ଫିଙ୍ଗିବା ସହ ଦ୍ବିତୀୟ ସ୍ଥାନରେ ଓ ହରିୟାଣାର କୁମାରୀ ଶର୍ମିଳା 50.78 ମିଟର ସହ ତୃତୀୟ ସ୍ଥାନରେ ରହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
