ନୂଆଦିଲ୍ଲୀ: ଟୋକିଓ ଅଲମ୍ପିକ୍ସକୁ ଆଉ ମାତ୍ର କିଛି ଦିନ ବାକି । ତେବେ ଭାରତୀୟ ଅଲମ୍ପିକ ଆସୋସିଏସନ(IOA) ଜୁଲାଇ 5 ସୁଦ୍ଧା ଏହି ମେଗା ଇଭେଣ୍ଟର ଉଦ୍ଘାଟନୀ ଉତ୍ସବରେ ଭାରତର ପତାକା କେଉଁ ଖେଳାଳିଙ୍କ ହାତରେ ରହିବ ଘୋଷଣା କରିବ । ଟୋକିଓ ଅଲମ୍ପିକ୍ସରେ ଏହି ଖେଳାଳି ଭାରତୀୟ ଅଲମ୍ପିକ ଟିମର ନେତୃତ୍ବ ନେବେ ।
ଏହି ଦୌଡରେ ସବୁଠୁ ଆଗରେ ରହିଛନ୍ତି ପିଭି ସିନ୍ଧୁ ଓ ବଜରଙ୍ଗ ପୁନିଆ । ମାତ୍ର କୌଣସି ଔପଚାରିକ ଘୋଷଣା ଏନେଇ ହୋଇନାହିଁ । ଜୁଲାଇ 5 ସୁଦ୍ଧା ଏହି ଖେଳାଳିଙ୍କ ଚୁଡାନ୍ତ ନାମ ଘୋଷଣା କରିବ IOA ।
ସ୍ପୋର୍ଟସ ଅଥରିଟି ଅଫ ଇଣ୍ଡିଆ ଓ IOA ଟୋକିଓ ଅଲମ୍ପିକ ଯୋଗ୍ୟ ଆଥଲେଟଙ୍କ ସହ ଏକ ଅଧିବେଶନ ଡକାଇଥିଲା । ଏହାର ନାମ 'ଫ୍ରମ ଇଣ୍ଡିଆ ୱିଥ୍ ପ୍ରାଇଡ' ରଖାଯାଇଥିଲା । ଏଥିରେ ଜାପାନିଜ ସଂସ୍କୃତି ଓ ଅନ୍ୟ ଗୁରୁତ୍ବପୂର୍ଣ୍ଣ ବିଷୟରେ ଆଲୋଚନା ହୋଇଥିଲା ।
ପିଭି ସିନ୍ଧୁ, ସାଇ ପ୍ରଣୀତ, ମନିକା ବାତ୍ରା, ଜି ସାଥିୟାନ ଓ ଅନ୍ୟ ଖେଳାଳିମାନେ ଯୋଗଦେଇଥିଲେ । ଜୁଲାଇ 23ରୁ ଅଲମ୍ପିକ ଆମ୍ଭ ହେବାକୁ ଥିବାବେଳେ, ଭାରତୀୟ ଟିମ ଟୋକିଓ ଅଭିମୁଖେ ଶୀଘ୍ର ଯାତ୍ରା କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
