ଟୋକିଓ: Tokyo Olympicsରେ ଅନେକ ପଦକ ଆଶା ଭାରତୀୟଙ୍କ ପାଇଁ ମଉଳି ଯାଇଥିବାବେଳେ କିଛି ଆଥଲେଟ ପୁଣି ଥରେ ଭାରତ ମନରେ ବାନ୍ଧିଛନ୍ତି ପଦକ ଆଶା । ସେହିଭଳି ଜଣେ ଖେଳାଳି ହେଉଛନ୍ତି ଅଶ୍ବଚାଳକ ଫୌଆଦ ମୀର୍ଜା । ଅଶ୍ବଚାଳନା (Equestrian)ର ଜମ୍ପିଂ ବ୍ୟକ୍ତିଗତ ପର୍ଯ୍ୟାୟର ଫାଇନାଲକୁ ଉତ୍ତୀର୍ଣ୍ଣ ହୋଇଛନ୍ତି ଫୌଆଦ ।
ପେନାଲ୍ଟି ୮ ପଏଣ୍ଟ ସହ ୪୭.୨୦ ସ୍କୋର କରି ସେ ଫାଇନାଲରେ ପହଞ୍ଚିଛନ୍ତି । ୫୧ ଜଣଙ୍କ ମଧ୍ୟରୁ ଶ୍ରେଷ୍ଠ ୨୫ ଜଣ ସୋମବାର ସନ୍ଧ୍ୟାରେ ହେବାକୁ ଥିବା ଫାଇନାଲରେ ପ୍ରବେଶ କରିଛନ୍ତି, ଯେଉଁଠି ଇଭେଣ୍ଟର ଦ୍ବିତୀୟ ରାଉଣ୍ଡରେ ବିଜେତାଙ୍କର ହେବ ଚୟନ ।
ଶ୍ରେଷ୍ଠ ୨୫ରେ ରହିବା ସେତେଟା ସହଜ ହୋଇନଥିବାବେଳେ ଜମ୍ପିଂରେ କ୍ରମାଗତ ରୁଟିନରେ ରହିବା ଫୌଆଦଙ୍କୁ ସହାୟକ ହୋଇଛି । ତେବେ ଫୌଆଦଙ୍କ ଠାରୁ ଅନେକ ଚାଳକ-ଅଶ୍ବ ଯୋଡ଼ି ଆଗରେ ଥିବାବେଳେ ସେ ଫାଇନାଲରେ ଭଲ ପ୍ରଦର୍ଶନ କରି ପଦକ ପାଇଁ ନିଜର ଶ୍ରେଷ୍ଠ ପ୍ରଦର୍ଶନ ଦେବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
