ନୂଆଦିଲ୍ଲୀ: ଷ୍ଟାର କୁସ୍ତିଯୋଦ୍ଧା ସୁଶୀଲ କୁମାରଙ୍କ ବଢିଲା ଅଡୁଆ । କୌଣସି ବି ମୂହୁର୍ତ୍ତରେ ଗିରଫ ହୋଇପାରନ୍ତି ସୁଶୀଲ । ଛତ୍ରଶାଲ ଷ୍ଟାଡିୟମରେ 23 ବର୍ଷୀୟ ଯୁବ କୁସ୍ତିଯୋଦ୍ଧା ସାଗର ରାଣାଙ୍କ ମୃତ୍ୟୁ ମାମଲାରେ ଛନ୍ଦି ହୋଇଛନ୍ତି ସୁଶୀଲ ।
ଦିଲ୍ଲୀ ପୋଲିସ ତାଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା(ଲୁକ ଆଉଟ ନୋଟିସ) ଜାରି କରିଛି । ତେବେ ଗିରଫଦାରୀରୁ ବର୍ତ୍ତିବାକୁ ସୁଶୀଲ, ଦିଲ୍ଲୀର ଏକ କୋର୍ଟରେ ଆଗୁଆ ଜାମିନ ଆବେଦନ କରିଥିଲେ, ଯାହାକୁ କୋର୍ଟ ଖାରଜ କରିଦେଇଛନ୍ତି ।
ଫଳରେ ପୋଲିସ ସୂତ୍ରରୁ ଫେରାର କୁହାଯାଉଥିବା ସୁଶୀଲଙ୍କର ଗିରଫ ସମ୍ଭାବନା ବୃଦ୍ଧି ପାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
