ରାଞ୍ଚି: ଏକାଦଶ ସବ୍ ଜୁନିଅର୍ ଜାତୀୟ ମହିଳା ହକି ଚାମ୍ପିଅନସିପର ଷଷ୍ଠ ଦିନରେ ହରିୟାଣା ପ୍ରଥମ ମ୍ୟାଚରେ ତାମିଲନାଡୁକୁ 23-0 ରେ ପରାସ୍ତ କରିଛି । ଏହିକ୍ରମରେ ହରିୟାଣା ଦଳ ବର୍ତ୍ତମାନ ସେମିଫାଇନାଲରେ ପ୍ରବେଶ କରିଛି। ଦ୍ବିତୀୟ ମ୍ୟାଚ୍ରେ ଓଡିଶା ଦଳ ପଞ୍ଜାବକୁ 5-1 ରେ ପରାସ୍ତ କରିଛି।
ତେବେ ଫାଇନାଲର ସମୟ ପାଖେଇ ଆସୁଥିବାରୁ ଦର୍ଶକଙ୍କ ଉତ୍ସାହ ମଧ୍ୟ ବଢିବାରେ ଲାଗିଛି। ପ୍ରତିଦିନ ବହୁ ସଂଖ୍ୟକ ଦର୍ଶକ ହକି ମ୍ୟାଚ୍ ଦେଖିବା ପାଇଁ ଆସୁଛନ୍ତି । ଆଇନ ଶୃଙ୍ଖଳା ପରିସ୍ଥିତିକୁ ନେଇ ହକି ଆସୋସିଏସନ ଏବଂ ଜିଲ୍ଲା ପ୍ରଶାସନ ପକ୍ଷରୁ ସତର୍କତା ଅବଲମ୍ବନ କରାଯାଉଛି। ଶରୀର ତାପମାତ୍ରା ପରୀକ୍ଷା କରିବା ପରେ ଦର୍ଶକଙ୍କୁ ଷ୍ଟାଡିୟମ ଭିତରକୁ ପ୍ରବେଶର ଅନୁମତି ଦିଆଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
