ଭୁବନେଶ୍ୱର: ଅଲମ୍ପିକ ଯୋଗ୍ୟତା ପର୍ଯ୍ୟାୟ ମ୍ୟାଚ ଖେଳିବାକୁ ଭୁବନେଶ୍ୱରରେ ପହଞ୍ଚିଲା ରୁଷିଆ ହକି ଟିମ । କଳିଙ୍ଗ ଷ୍ଟାଡିୟମରେ ଭାରତ-ରୁଷିଆ ମଧ୍ୟରେ ଟୋକିଓ ଅଲମ୍ପିକ ଟିକେଟ ପାଇଁ ଲଢେଇ ହେବ ।
ଭିଡିଓ ସୌଜନ୍ୟ: ସମ୍ବାଦଦାତା ଭୁବନେଶ୍ବର
ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିବା ପରେ ଟିମର କୋଚ ଓ ମ୍ୟାନେଜର ଦଳ ଭଲଭାବେ ପ୍ରସ୍ତୁତି କରି ଆସିଥିବା କହିଛନ୍ତି । ଭାରତ ଏକ ଶକ୍ତିଶାଳୀ ଟିମ ହୋଇଥିଲେ ମଧ୍ୟ ଏହା ବିପକ୍ଷରେ ଦଳ ଏହି ଠାରେ ଆଗରୁ ଖେଳି ସାରିଛି । ତେବେ ଦଳ ନିଜର ଦୁର୍ବଳତାକୁ ଜାଣି ଏଥିରେ ସୁଧାର ଆଣିବାକୁ ନିଜ ଦେଶରେ ଅନେକ ଗୁଡିଏ ଅଭ୍ୟାସ ମ୍ୟାଚ ଖେଳିଥିବା କହିଛନ୍ତି । ଏହା ଅଲମ୍ପିକ ଯୋଗ୍ୟତା ମ୍ୟାଚ ହୋଇ ଥିବାରୁ ଦଳର ଲକ୍ଷ୍ୟ ବିଜୟ ଉପରେ କେନ୍ଦ୍ରୀଭୂତ ରହିବ ବୋଲି ସେ କହିଛନ୍ତି ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
