ଭୁବନେଶ୍ବର: ପୁରୁଷ ହକି ସିରିଜ ପାଇଁ ଟିମ ଇଣ୍ଡିଆ ଭୁବନେଶ୍ବରରେ ପହଞ୍ଚିଛି । ଜୁନ 6ରୁ 15 ପର୍ଯ୍ୟନ୍ତ ଏହି ସିରିଜ କଳିଙ୍ଗ ଷ୍ଟାଡିୟମରେ ଖେଳାଯିବ ।
ଭାରତୀୟ ଦଳ ପ୍ରତି ମ୍ୟାଚରେ ଆକ୍ରମଣାତ୍ମକ ଖେଳ ଖେଳିବ । ନିୟମିତ ବ୍ୟବଧାନରେ ଗୋଲ କରିବାକୁ ହେବ । ଏହା କହିଛନ୍ତି ନବନିଯୁକ୍ତ ଭାରତୀୟ ହକି ଦଳର କୋଚ ଗ୍ରାହାମ ରେଡ । ଏହାସହ ସେ ମ୍ୟାଚର ସ୍ଥିତି ବରାବର ଥିବା ବେଳେ ସକରାତ୍ମକ ଖେଳ ଜାରି ରଖିବାକୁ ହେବ ବୋଲି କହିଛନ୍ତି ।
ହକି ସିରିଜରେ ବିଶ୍ବମାନ୍ୟତାର 2ନଂ ସ୍ଥାନରେ ଥିବା ଅଷ୍ଟ୍ରେଲିଆ ସହିତ ଭାରତର ମ୍ୟାଚ ଖେଳିବ । ଭାରତ ମାନ୍ୟତାର 5ନଂ ସ୍ଥାନରେ ରହିଛି । ଅଷ୍ଟ୍ରେଲିଆ ଗସ୍ତରେ ଫାଇନାଲ ହକି ଟେଷ୍ଟରେ ଭାରତ 2-5 ଗୋଲରେ ପରାଜିତ ହୋଇଛି । ବିଶ୍ବକପ ପରଠାରୁ ନିୟମିତ ଭାବେ ଅଗ୍ରଣୀ ଦଳଙ୍କ ସହ ଭାରତ ମ୍ୟାଚ ଖେଳୁଛି । ତେଣୁ ଏହି ସିରିଜରେ ଭଲ ପ୍ରଦର୍ଶନ କଲେ, ଅଲମ୍ପିକ୍ସ ପାଇଁ ଯୋଗ୍ୟତା ଅର୍ଜନ ସହଜ ହେବ । 55 ବର୍ଷୀୟ ଅଷ୍ଟ୍ରେଲିଆନ ଗ୍ରାହାମ ରେଡ ଭାରତୀୟ ଦଳ ଆଟାକିଙ୍ଗ ଉପରେ ଅଧିକ ଧ୍ୟାନ ଦେବାନେଇ ସ୍ପଷ୍ଟ କରିଛନ୍ତି । ସେ ଗତ ମାସରେ ଭାରତୀୟ ହକି ଦଳର ନୂଆ କୋଚ ନିଯୁକ୍ତ ହୋଇଛନ୍ତି ।
