ଭୁବନେଶ୍ବର: ବିଶ୍ଵ କ୍ୟାନସର ଦିବସରେ ମହାନତା ଦେଖାଇଲା ଭାରତୀୟ ହକି ଟିମ । ହକି ପ୍ରୋ-ଲିଗ ପାଇଁ ଭୁବନେଶ୍ବରରେ ରହିଛି ଭାରତୀୟ ଦଳ । ବିଶ୍ଵ କ୍ୟାନସର ଦିବସ ଅବସରରେ କ୍ୟାପିଟାଲ ହସ୍ପିଟାଲରେ ପହଞ୍ଚି କ୍ୟାନସରରେ ପୀଡିତ ରୋଗୀଙ୍କୁ ଭେଟିଥିଲେ । ଏଥିସହିତ କ୍ୟାନସର ୱାର୍ଡରେ ରୋଗୀଙ୍କୁ ଫଳ ବାଣ୍ଟିଛନ୍ତି ।
ବିଶ୍ବ କ୍ୟାନ୍ସର ଦିବସ ନେଇ କ୍ୟାପିଟାଲ ହସ୍ପିଟାଲରେ କୋଣାର୍କ କ୍ୟାନ୍ସର ଫାଉଣ୍ଡେସନ ତରଫରୁ ସଚେତନତା କାର୍ଯ୍ୟକ୍ରମ କରାଯାଇଛି। ଫାଉଣ୍ଡେସନର ଅଧକ୍ଷ ଅରୂପ ପଟ୍ଟନାୟକ, ବିଧାୟକ ସୁଶାନ୍ତ ରାଉତ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା ଭୁବନେଶ୍ବର
ଫାଉଣ୍ଡେସନର ସଦସ୍ୟ ଲୋକଙ୍କୁ କ୍ୟାନସର ବିଷୟରେ ଲୋକଙ୍କୁ ବୁଝାଇବା ସହ, ନିରାକରଣ ଉପରେ ବି ଅବଗତ କରାଇଥିଲେ। । ଏହି କାର୍ଯ୍ୟକ୍ରମରେ ଭାରତୀୟ ହକି ଦଳ ଭୁବନେଶ୍ବର କ୍ୟାପିଟାଲ ହସ୍ପିଟାଲରେ ପହଞ୍ଚି ସାମିଲ ହୋଇଥିଲା ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
