ନୂଆଦିଲ୍ଲୀ: 2021ରେ ପୁରୁଷ ଜୁନିୟର ହକି ବିଶ୍ବକପ ଆୟୋଜିତ ହେବ । ତେବେ ଏହି ବିଶ୍ବକପ୍ର ଭାର ଭାରତ କାନ୍ଧରେ । ଏହାର ସୂଚନା ଅନ୍ତର୍ଜାତୀୟ ହକି ମହାସଂଘ(ଏଫଆଇଏଚ) ସୋମବାର ଘୋଷଣା କରିଛି ।
ସୂଚନାଥାଉକି ଭାରତ ଏହା ପୂର୍ବରୁ 2016ରେ ଉତ୍ତରପ୍ରଦେଶରେ ଲକ୍ଷ୍ନୌଠାରେ ଜୁନିୟର ପୁରୁଷ ହକି ବିଶ୍ବକପ ଓ 2018ରେ ଓଡିଶାର କଳିଙ୍ଗ ଷ୍ଟାଡିୟମରେ ସିନିୟର ପୁରୁଷ ବିଶ୍ବକପର ସଫଳତାର ସହିତ ଆୟୋଜନ କରିଥିଲା ।
ଅନ୍ୟପଟେ ମହିଳା ଜୁନିୟର ହକି ବିଶ୍ବକପର ଆୟୋଜନ କରିବ ଦ.ଆଫ୍ରିକା ।
ଏଫଆଇଏଚ ଜୁନିୟର ପୁରୁଷ ହକି ବିଶ୍ବକପ-2021ରେ 16ଟି ଦଳ ଅଂଶ ଗ୍ରହଣ କରିବେ । ସୂଚନାଥାଉକି, ଗତ ଚମ୍ପିଆନ ଭାରତ 2016 ବିଶ୍ବକପ୍ ଫାଇନାଲରେ ବେଲଜିୟମକୁ 2-1ରେ ପରାସ୍ତ କରି 2ୟଥର ବିଶ୍ବକପ୍ ଟାଇଟଲ ହାତେଇଥିଲା ।
ଏଫଆଇଏଚ କହିଛି ଯେ, 2021ରେ ହେବାକୁ ଥିବା ଏଫଆଇଏଚ ଜୁନିୟର ପୁରୁଷ ହକି ବିଶ୍ବକପର ଆୟୋଜନ ସ୍ଥଳ ଓ ତାରିଖ ପରବର୍ତ୍ତୀ ସମୟରେ ଘୋଷଣା କରାଯିବ ।
