ନୂଆଦିଲ୍ଲୀ: ଓଡିଶାରେ ପୁରୁଷ FIH ସିରିଜ ଫାଇଲାଲ୍ସ ଆରମ୍ଭ ହେବାକୁ ଯାଉଛି । ସେହିପରି ମହିଳା ହକି ପାଇଁ ମଧ୍ୟ ଜାପାନର ହିରୋସିମାରେ FIH ସିରିଜ ଫାଇଲାଲ୍ସ ଖେଳାଯିବ । ଯାହା ଆଗାମୀ ଜୁନ 15ତାରିଖରୁ ଆରମ୍ଭ ହେବାକୁ ଯାଉଛି । ତେବେ ଏଥିପାଇଁ ଆଜି(ବୁଧବାର) ହକି ଇଣ୍ଡିଆ 18ଜଣିଆ ମହିଳା ଦଳ ଘୋଷଣା କରିଛି ।
ରାନୀ ରାମପାଲଙ୍କ ନେତୃତ୍ବରେ ଦଳ ପ୍ରତିଯୋଗିତାରେ ଭାଗ ନେବ । ସେହିପରି ଦଳରେ 3 ଓଡିଆ ଖେଳାଳି ସାମିଲ ଅଛନ୍ତି । ସେମାନେ ହେଲେ ଲିଲିମା ମିଞ୍ଜ, ସୁନୀତା ଲାକ୍ରା ଓ ଦୀପ ଗ୍ରେସ ଏକ୍କା । ତେବେ ପୁଲ-ଏରେ ଭାରତ ସହିତ ପୋଲାଣ୍ଡ, ଫିଜି ଓ ଉରୁଗୁଏ ରହିଛନ୍ତି । ଭାରତ ତାର ଯାତ୍ରା ଫାଇନାଲ୍ସର ଉଦଘାଟନୀ ମ୍ୟାଚରୁ ଆରମ୍ଭ କରିବ । ଯାହାକୁ ଉରୁଗୁଏ ବିପକ୍ଷରେ ଭାରତ ଖେଳିବ । ଏହାପରେ ଦଳ ଜୁନ୍ ୧୬ରେ ପୋଲାଣ୍ଡ ଓ ଜୁନ୍ ୧୭ରେ ଫିଜିକୁ ଭେଟିବ । ୨୦୨୦ ଟୋକିଓ ଅଲିମ୍ପିକ ଯୋଗ୍ୟତା ପାଇଁ ଏହି ପ୍ରତିଯୋଗିତା ଖେଳାଯାଉଛି । ପ୍ରତିଯୋଗିତାରେ ସଫଳ ହୋଇ ଅଲମ୍ପିକ ଯୋଗ୍ୟତା ହାତେଇବା ଲକ୍ଷ୍ୟରେ ରହିଛି ଭାରତୀୟ ମହିଳା । ସେହିପରି ପୁଲ-ବି ରେ ଜାପାନ, ଚୀନ୍, ରୁଷ ଓ ମେକ୍ସିକୋ ରହିଛନ୍ତି ।
ଅନ୍ୟପଟେ ଭାରତୀୟ ଦଳରେ ନିଶା ଡେବ୍ୟୁ କରୁଛନ୍ତି । ସେ ମିଡ୍ଫିଲ୍ଡର ଭୂମିକା ତୁଲାଇବେ । ସେହିପରି ସବିତାଙ୍କ ବ୍ୟତୀତ ଦଳରେ ଦ୍ୱିତୀୟ ଗୋଲକିପର ଭାବେ ରଜନୀ ଏଟିମାରପୁଙ୍କୁ ସାମିଲ କରାଯାଇଛି ।
ଭାରତୀୟ ମହିଳା ଦଳ-
ଗୋଲକିପର-
- 1.ସବିତା (ଉପ ଅଧିନାୟିକା)
- 2.ରଜନୀ ଏଟିମାରପୁ
ଡିଫେଣ୍ଡର୍ସ–
- 3.ସାଲିମା ଟେଟେ
- 4.ସୁନୀତା ଲାକ୍ରା
- 5.ଦୀପ ଗ୍ରେସ୍ ଏକ୍କା
- 6.ନିଶା
- 7.ଗୁରଜିତ୍ କୌର୍
ମିଡଫିଲ୍ଡର୍ସ-
- 8.ମୋନିକା
- 9.ସୁଶୀଲା ଚାନୁ ପୁଖରାମବାମ୍
- 10.ନିକ୍କି ପ୍ରଧାନ
- 11.ନେହା ଗୋୟଲ୍
- 12.ଲିଲିମା ମିଞ୍ଜ
ଫରୱାଡର୍ସ-
- 13. ରାନୀ ରାମପାଲ (ଅଧିନାୟିକା)
- 14.ବନ୍ଦନା କାଟାରିୟା
- 15.ଲାଲରେମସିଆମି
- 16.ନବଜୋତ୍ କୌର୍
- 17.ନବନୀତ କୌର୍
- 18.ଜ୍ୟୋତି
