ହାଇଦ୍ରାବାଦ: କୋରୋନା ବିରୋଧୀ ଲଢେଇରେ ସହାୟତାର ହାତ ବଢାଇଛନ୍ତି କିମ୍ବଦନ୍ତୀ ହକି ଖେଳାଳି ଧନରାଜ ପିଲେ । ପ୍ରଧାନମନ୍ତ୍ରୀ କେୟାର୍ସ ଫଣ୍ଡକୁ ପିଲେ 5ଲକ୍ଷ ଟଙ୍କା ପ୍ରଦାନ କରିଛନ୍ତି ।
ଏଥିସହିତ ମହାମାରୀ କୋରୋନା ମୁକାବିଲାରେ ପ୍ରଧାନମନ୍ତ୍ରୀ ମୋଦିଙ୍କ ସମସ୍ତ ପରାମର୍ଶକୁ ଗ୍ରହଣ କରିବାକୁ ଦେଶବାସୀଙ୍କୁ ଧନରାଜ ଅପିଲ କରିଛନ୍ତି । ପୂର୍ବରୁ ଅନ୍ୟତମ ଭେଟେରାନ ପଙ୍କଜ ଆଡଭାନୀ ମଧ୍ୟ ପ୍ରଧାନମନ୍ତ୍ରୀ କେୟାର୍ସ ଫଣ୍ଡକୁ 5ଲକ୍ଷ ଟଙ୍କା ଦାନ କରିଛନ୍ତି ।
ଭାରତ ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ସୂଚନା ଅନୁଯାୟୀ ଭାରତରେ ଏଯାବତ କୋରୋନା ସଂକ୍ରମିତଙ୍କ ସଂଖ୍ୟା 4,281ରେ ପହଞ୍ଚିଛି । ସେଥିମଧ୍ୟରୁ 111 ଜଣଙ୍କର ମୃତ୍ୟୁ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
