ଇମ୍ଫାଲ: 2007 ମସିହାର କିଙ୍ଗ ଖାନ ଶାହାରୁଖଙ୍କ ଫିଲ୍ମ ‘ଚକ ଦେ ଇଣ୍ଡିଆ’ ସେ ସମୟରେ ହୋଇଥିଲା ସୁପରହିଟ୍ । ତେବେ ଖୁବ କମ ଲୋକେ ଜାଣିଥିବେ ଯେ ଏହି ଫିଲ୍ମର କାହାଣୀ ଭାରତୀୟ ମହିଳା ହକି ଦଳର ଜଣେ ପୂର୍ବତନ ଅଧିନାୟିକାଙ୍କର ଥିଲା । ଯିଏ ଏବେ ଘରୋଇ ନିର୍ଯାତନାର ଶିକାର ହୋଇଥିବା ଅଭିଯୋଗ ହେଉଛି ।
ତେବେ ସେ ମହିଳା ଜଣଙ୍କ ହେଉଛନ୍ତି ୱେଖମ ସୁରଜଲତା ଦେବୀ । ତାଙ୍କ ସ୍ବାମୀ କେଏସଏଚ ଶାନ୍ତାକୁମାର ତାଙ୍କୁ ଯୌତୁକ ପାଇଁ ନିର୍ଯାତନା ଦେଉଥିବା ସେ ଅଭିଯୋଗ ଆଣିଛନ୍ତି । ତେବେ ତାଙ୍କ ସ୍ବାମୀ ମଣିପୁରର ଜଣେ ପୂର୍ବତନ ହକି ଖେଳାଳି । 2005 ମସିହାରେ ଶାନ୍ତାକୁମାରଙ୍କୁ ବିବାହ କରିଥିଲେ ସୁରଜଲତା । 39 ବର୍ଷିୟା ସୁରଜଲତା ଏବେ ଦୁଇଟି ପିଲାର ମାଆ । ତେବେ ବିବାହ ପରେ ପରେ ତାଙ୍କୁ ଯୌତୁକ ଓ ଶାରୀରିକ ନିର୍ଯାତନା ଦିଆଯାଉଥିବା ସ୍ଥାନୀୟ ଥାନରେ ସେ ଅଭିଯୋଗ ଆଣିଛନ୍ତି ।
