ହାଇଦ୍ରାବାଦ: ଆଜି ଠାରୁ ଆରମ୍ଭ ହୋଇଯାଇଛି ଟୋକିଓ ଅଲମ୍ପିକ ଟେଷ୍ଟ ଇଭେଣ୍ଟ । ଭାରତୀୟ ମହିଳା ହକି ଦଳ, ଘରୋଇ ବିପକ୍ଷ ଦଳ ଜାପାନକୁ 2-1 ଗୋଲ୍ରେ ପରାସ୍ତ କରିଛି । ଦଳ ପକ୍ଷରୁ ଦମ୍ଦାର ପ୍ରଦର୍ଶନ କରି ଗୁରଜିତ କୌର ସର୍ବାଧକ 2ଟି ଗୋଲ୍ କରିଛନ୍ତି ।
ମ୍ୟାଚ ଆରମ୍ଭର ପ୍ରଥମ 9ମିନିଟ୍ରେ ଭାରତ ପକ୍ଷରୁ ଗୁରଜିତ କୌର ବିପକ୍ଷ ଦଳର ଗୋଲପୋଷ୍ଟରେ ପ୍ରଥମ ଗୋଲ କରିଥିଲେ । ଏହାପରେ 2ୟ କ୍ବାଟରରେ ଜାପାନ ଦଳ ପକ୍ଷରୁ ଇମି ନିଶିକୋରି ଭାରତକୁ ଗୋଟିଏ ଗୋଲ୍ ଦେଇ ମ୍ୟାଚକୁ ବରାବର କରିଥିଲେ । ତେବେ ମ୍ୟାଚର 35ତମ ମିନିଟ୍ରେ ପୁଣି ଭାରତ ପକ୍ଷରୁ ଗୁରଜିତ କୌର ପେନାଲଣ୍ଟି କର୍ଣ୍ଣରକୁ ଗୋଲ୍ରେ ପରିଣତ କରି ସ୍କୋରକୁ 2-1କୁ ଆଣିଥିଲେ ।
ଏହାପରେ 4ର୍ଥ କ୍ବାଟରରେ ଉଭୟ ଦଳ ପକ୍ଷରୁ କୌଣସି ଗୋଲ୍ ହୋଇ ନଥିଲା । ଫଳରେ ଭାରତ 2-1 ଗୋଲ୍ରେ ଜାପାନକୁ ପରାସ୍ତ କରି ଟୋକିଓ ଅଲମ୍ପିକ ଟେଷ୍ଟରେ ନିଜର ବିଜୟ ଅଭିଯାନ ଆରମ୍ଭ କରିଛି ।
