ନୂଆଦିଲ୍ଲୀ: କିମ୍ବଦନ୍ତୀ ଫୁଟବଲର ମେସିଙ୍କୁ ପଛରେ ପକାଇଲେ ଛେତ୍ରୀ । ବର୍ତ୍ତମାନ ଖେଳୁଥିବା ଫୁଟବଲରଙ୍କ ମଧ୍ୟରେ ମେସିଙ୍କୁ ଅନ୍ତର୍ଜାତୀୟ ଗୋଲରେ ପଛରେ ପକାଇଲେ ଭାରତୀୟ ଫୁଟବଲ ଦଳର ଅଧିନାୟକ ସୁନିଲ ଛେତ୍ରୀ ।
ବିଶ୍ବରୁର ସବୁଠୁ ଲୋକପ୍ରିୟ ଗେମ ହେଉଛି ଫୁଟବଲ । ସାରା ବିଶ୍ବରେ ଫୁଟବଲ ଖେଳାଳିଙ୍କ ସ୍ବତନ୍ତ୍ରତା ରହିଛି । ଏଭଳି ସ୍ଥିତିରେ ଜଣେ ଭାରତୀୟ ଫୁଟବଲର ବିରଳ କୀର୍ତ୍ତୀମାନ ସୃଷ୍ଟି କରିଛନ୍ତି । ବିଶ୍ବର ଲୋକପ୍ରିୟ ଫୁଟବଲ ଖେଳାଳି ଲିଓନେଲ ମେସିଙ୍କୁ ପଛରେ ପକାଇଛନ୍ତି ଭାରତୀୟ ଫୁଟବଲ ଦଳର ଅଧିନାୟକ ସୁନିଲ ଛେତ୍ରୀ ।
କାତାରରେ ବିଶ୍ବକପ ଯୋଗ୍ୟତା ପର୍ଯ୍ୟାୟ ମ୍ୟାଚ ଖେଳୁଥିବାବେଳେ ଭାରତ ବାଂଲାଦେଶ ବିପକ୍ଷରେ 2-0 ଗୋଲରେ ବିଜୟ ହାସଲ କରିଛନ୍ତି । ଏହି ମ୍ୟାଚରେ ଅଧିନାୟକ ସୁନିଲ ଛେତ୍ରୀ ଚମତ୍କାର ପ୍ରଦର୍ଶନ କରି 2 ଟି ଗୋଲ ସ୍କୋର କରିଥିଲେ । ଏହା ପରେ ସେ ଏହି ବିରଳ କୀର୍ତ୍ତୀମାନ ସୃଷ୍ଟି କରିଛନ୍ତି । ଫୁଟବଲ ଅନ୍ତର୍ଜାତୀୟ ମ୍ୟାଚରେ 74 ତମ ଗୋଲ କରି ଏହି କୀର୍ତ୍ତୀମାନ ସ୍ଥାପନ କରିଛନ୍ତି ।
ସୂଚନାଥାଉକି ବର୍ତ୍ତମାନ ବିଶ୍ବରେ ଖେଳୁଥିବା ଅନ୍ତର୍ଜାତୀୟ ଫୁଟବଲରଙ୍କ ମଧ୍ୟରେ ପର୍ତ୍ତୁଗାଲ ଷ୍ଟାର କ୍ରିଷ୍ଟିଆନ ରୋନାଲ୍ଡ ସର୍ବାଧିକ 103 ଗୋଲ କରିଥିବାବେଳେ ଆର୍ଜେଣ୍ଟିନା ଷ୍ଟାର ଲିଓନେଲ ମେସି 72 ଗୋଲ ସ୍କୋର କରିଛନ୍ତି । ମେସିଙ୍କୁ ପଛରେ ପକାଇ ଭାରତୀୟ ଅଧିନାୟକ ସୁନୀଲ ଛେତ୍ରୀ 74 ଗୋଲ ସ୍କୋର କରିଛନ୍ତି । ଯାହା ବର୍ତ୍ତମାନ ଖେଳୁଥିବା ଅନ୍ତର୍ଜାତୀୟ ଫୁଟବଲରଙ୍କ ମଧ୍ୟରେ ଦ୍ବିତୀୟ ସର୍ବାଧିକ ।
@ANI
