ମାଦ୍ରିଦ: ବିନା ଦର୍ଶକରେ ଖାଲି ଷ୍ଟାଡିୟମରେ ହେଲେ ମଧ୍ୟ ଲା ଲିଗାରେ ଲାଗି ରହିଛି ରୋମାଞ୍ଚକର ମୁକାବିଲା । ସ୍ପାନିସ ଫୁଟବଲ ଲିଗରେ ବାର୍ସେଲୋନା ପରେ ରିୟଲ ମାଦ୍ରିଦ କ୍ଳବ ମଧ୍ୟ ଦମ ଦେଖାଇଛି । ଭେଲେନସିଆକୁ 3-0 ଗୋଲରେ ହରାଇ ଏକତରଫା ବିଜୟ ହାସଲ କରିଛି ରିୟଲ ମାଦ୍ରିଦ ।
ରିୟଲ ମାଦ୍ରିଦ ପକ୍ଷରୁ ବେଞ୍ଜେମା ଦମଦାର ଦୁଇଟି ଗୋଲ କରିଥିଲେ । ଆହତ କାରଣରୁ 10ମାସ ପରେ ଫେରିଥିବା ମାର୍କୋ ଏସନସିଓ 3ନଂ ଗୋଲର କରିଥିଲେ । ମ୍ୟାଚର 61ତମ ମିନିଟରେ ରିୟଲ ମାଦ୍ରିଦ ପ୍ରଥମ ଗୋଲ କରି 1-0ରେ ଆଗୁଆ ରହିଥିଲା ।
ଏହାପରେ ମ୍ୟାଚର 74ତମ ମିନିଟରେ ଏସନସିଓ କ୍ଳବ ପକ୍ଷରୁ 2ୟ ଗୋଲ କରିଥିଲେ । ପରେ ମ୍ୟାଚର ଶେଷ ଭାଗରେ 3ୟ ଗୋଲ କରିଥିଲେ ବେଞ୍ଜେମା । ଏହି ମ୍ୟାଚରେ ରିୟଲ ମାଦ୍ରିଦ ଭେଲେନସିଆ ବିପକ୍ଷରେ ସଂପୂର୍ଣ୍ଣ ପ୍ରଭାବ ବିସ୍ତାର କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
