ଭୁବନେଶ୍ବର: ଆଜି (ଶନିବାର) ପୁଣି କଳିଙ୍ଗ ଷ୍ଟାଡିୟମରେ ଦମ୍ ଦେଖାଇ ଘରୋଇ ଦଳ ଓଡିଶା ଏଫସି ହ୍ୟାଟ୍ରିକ ବିଜୟ ହାସଲ କରିଛି । ତେବେ ଆଜିର ମ୍ୟାଚରେ ମୁମ୍ବାଇ ସିଟି ଏଫସି- ଓଡିଶା ଏଫସି ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା ।
ମ୍ୟାଚର ପ୍ରଥମାର୍ଦ୍ଧ ଶେଷ ସୁଦ୍ଧା ସ୍କୋର 0-0 ରହିଥିଲା । ପ୍ରଥମାର୍ଦ୍ଧ ଶେଷ ପରେ ସେକେଣ୍ଡ ହାପ୍ର ଆରମ୍ଭରେ ଘରୋଇ ଦଳ ପକ୍ଷରୁ ଅରିଡେନ ସାନଟାନା ମ୍ୟାଚର 47ମିନିଟ୍ରେ ଗୋଲ୍ କରି 1-0ଗୋଲ୍ରେ ଦଳକୁ ଅଗ୍ରଣୀ କରିଥିଲେ । ଏହାପରେ ମ୍ୟାଚର 74 ମିନିଟ୍ରେ ଜାଇସ୍କୋ ହେରନାଡେଜ ଓଡିଶା ଏଫସି ପକ୍ଷରୁ 2ୟ ଗୋଲ୍ କରି ସ୍କୋରକୁ 2-0କୁ ଆଣିଥିଲେ ।
ବିପକ୍ଷ ଦଳ ଘରୋଇଦଳକୁ କୌଣସି ଗୋଲ୍ ଦେଇ ପାରିନଥିଲା । ଫଳରେ ଓଡିଶା ଏଫ୍ସି ଏକତରଫା ମ୍ୟାଚକୁ ହାତେଇବାରେ ସକ୍ଷମ ହୋଇଛି ।
ତେବେ ଏହି ବିଜୟ ପରେ ଓଡିଶା ଏଫ୍ସି ଟପ୍-4ରେ ସାମିଲ ହୋଇଛି । 12ଟି ମ୍ୟାଚରୁ 5ଟି ମ୍ୟାଚରେ ବିଜୟ ହାସଲ କରି 18ଅଙ୍କ ସହ ପଏଣ୍ଟ ଟେବୁଲର 4ର୍ଥ ସ୍ଥାନ ଅଧିକାର କଲା ଓଡିଶା ।
ଓଡିଶା ତା'ର ପରବର୍ତ୍ତୀ ମ୍ୟାଚ ହାଇଦ୍ରାବାଦ ଏଫ୍ସି ବିପକ୍ଷରେ ହାଇଦ୍ରାବାଦର ଘରୋଇ ଗ୍ରାଉଣ୍ଡରେ ଖେଳିବ ।
