ବାଗଦାଦ: ଇରାକର ମହାନ ଫୁଟବଲର ଅହମ୍ମଦ ରାଧିଙ୍କ ଜୀବନ ନେଲା କୋରୋନା । ରବିବାର ତାଙ୍କର ଦେହାନ୍ତ ହୋଇଥିବା ସୂଚନା ଦେଇଛି ଇରାକର ସ୍ବାସ୍ଥ୍ୟ ମନ୍ତ୍ରାଳୟ । ମୃତ୍ୟୁବେଳକୁ ତାଙ୍କୁ 56ବର୍ଷ ହୋଇଥିଲା ।
ମନ୍ତ୍ରାଳୟର ସୂଚନାନୁସାରେ, ତାଙ୍କୁ ନିଶ୍ବାସ ପ୍ରଶ୍ବାସ ନେବାକୁ କଷ୍ଟ ହେଉଥିଲା । ଏହାପରେ ତାଙ୍କୁ ଗତ ସପ୍ତାହରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର କୋରୋନା ଟେଷ୍ଟ ପଜିଟିଭ ଆସିଥିଲା । ଗତ ଗୁରୁବାର ତାଙ୍କର ସ୍ବାସ୍ଥ୍ୟରେ ସୁଧାର ଆସିଥିଲା, ମାତ୍ର ପରବର୍ତ୍ତୀ ସମୟରେ ପୁଣି ସ୍ବାସ୍ଥ୍ୟ ବିଗିଡି ଯାଇଥିଲା ।
ସୂଚନାଥାଉକି, ଷ୍ଟ୍ରାଇକର ରାଧି ଇରାକକୁ ଗଲ୍ଫ କପ 1984 ଓ 88ରେ ବିଜୟ ଦେଇଥିଲେ । 1988ରେ ତାଙ୍କୁ ଏସିଆର ଶ୍ରେଷ୍ଠ ଖେଳାଳିର ଆଖ୍ୟା ମିଳିଥିଲା । ସେହିପରି 1986 ମସିହା ଫିଫା ବିଶ୍ବକପ ଫାଇନାଲ ମ୍ୟାଚରେ ବିପକ୍ଷ ଦଳ ବେଲଜିୟମ ଗୋଲପୋଷ୍ଟରେ ଗୋଲ କରିଥିବା ଏକମାତ୍ର ଖେଳାଳି ଥିଲେ ଅହମ୍ମଦ ରାଧି ।
121 ଇଣ୍ଟରନ୍ୟାସନାଲ ମ୍ୟାଚ ଖେଳି 62 ଗୋଲ କରିଛନ୍ତି ।
