ହାଇଦ୍ରାବାଦ: ସାଫ ଫୁଟବଲ ଟୁର୍ଣ୍ଣାମେଣ୍ଟରେ ଭାରତୀୟ ଅଣ୍ଡର 15 ଫୁଟବଲ ଦଳ ଚମ୍ପିଆନ ହୋଇଛି । ଫାଇନାଲରେ ନେପାଳକୁ 7-0ର ବଡ ବ୍ୟବଧାନରେ ହରାଇ ଚମ୍ପିଆନ ହୋଇଛି ଭାରତ । ଚମ୍ପିଆନ ଦଳରେ ଓଡିଶାର ରଞ୍ଜନ ସୋରେନ ଓ ଏ ଶିବପ୍ରସାଦ ରହିଛନ୍ତି ।
ଷ୍ଟ୍ରାଇକର ଶ୍ରୀଦାର୍ଥ ନଙ୍ଗମୈକାପମ ମ୍ୟାଚର 51, 76 ଓ 80 ତମ ମିନିଟରେ 3ଟି ଗୋଲ କରି ହ୍ୟାଟ୍ରିକ ଗୋଲ କରିଥିଲେ । ମହେସନ ସିଂ, ଅମନନଦିପ, ସିବାଜିତ ସିଂ ଓ ହିମାଂଶୁ ଜାଙ୍ଗ୍ରା ଗୋଟିଏ ଲେଖାଏଁ ଗୋଲ କରି ଭାରତର ସ୍କୋରକୁ 7-0ରେ ପହଞ୍ଚାଇଥିଲେ ।
ଏହି ବିଜୟ ପରେ ସାଫ ଟୁର୍ଣ୍ଣାମେଣ୍ଟରେ 3ଥର ଚମ୍ପିଆନ ହେବାରେ ପ୍ରଥମ ଦେଶ ହୋଇଛି ଭାରତ । ପୂର୍ବରୁ 2013 ଓ 2017ରେ ଚମ୍ପିଆନ ହୋଇଥିଲା ଭାରତୀୟ ଦଳ ।
ଏହି ବିଜୟ ପରେ ଅଲ ଇଣ୍ଡିଆ ଫୁଟବଲ ଫେଡେରେସନ(AIFF)ର ଉପସଭାପତି ସୁବ୍ରତ ଦତ୍ତ ଖେଳାଳିଙ୍କୁ ଶୁଭେଚ୍ଛା ଜଣାଇଛନ୍ତି ।
