ଲଣ୍ଡନ: ଖୁବଶ୍ରୀଘ୍ର ଫୁଟବଲ ଷ୍ଟାଡିୟମରେ ଦର୍ଶକଙ୍କୁ ଦେଖିବାକୁ ମିଳିବ । ପୁଣି ପୂର୍ବପରି ନିଜ ପସନ୍ଦର ଫୁଟବଲ ଖେଳାଳିଙ୍କ ପ୍ରଭାବୀ ପ୍ରଦର୍ଶନରେ ଝୁମିବେ ଫ୍ୟାନ୍ସ । ଏନେଇ ଦୃଢୋକ୍ତି କରିଛନ୍ତି UEFA ମୁଖ୍ୟ ଆଲେକଜାଣ୍ଡର କେଫରିନ ।
ମହାମାରୀ କୋରୋନା ଭାଇରସ ଯୋଗୁଁ ଘରୋଇ ଓ ଦ୍ବିପାକ୍ଷିକ ଫୁଟବଲ ପ୍ରତିଯୋଗିତା ପ୍ରଭାବିତ ହୋଇଛି । ମାର୍ଚ୍ଚରୁ ସମସ୍ତ ପ୍ରକାର ଫୁଟବଲ ଟୁର୍ଣ୍ଣାମେଣ୍ଟ ବନ୍ଦ ରହିଥିଲା । ୟୁରୋ 2020 ଭଳି ମେଗା ଇଭେଣ୍ଟକୁ ସ୍ଥଗିତ ରଖାଯାଇଛି ।
ତେବେ ବୁନ୍ଦେସଲିଗା ସଫଳତାର ସହ ବିନା ଦର୍ଶକରେ ଖାଲି ଷ୍ଟାଡିୟମରେ ଆରମ୍ଭ ହୋଇଛି । ତେବେ ସ୍ଥିତି ଶ୍ରୀଘ୍ର ସ୍ବାଭାବିକ ହେବ ବୋଲି UEFA ମୁଖ୍ୟ ଆଲେକଜାଣ୍ଡର କେଫରିନ ଆଶାବାଦୀ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
